حكايه احمد اليمنى مع الجن

كنت تعرف قبل كده ان الانسان يقدر يقتل الجن في حالة ان الجن ده كان متشكل في هيئة بشرية وانت طعنته مثلا او أطلقت عليه النار .. ده الي حصل في قصة مرعبة لشاب من اليمن اسمه احمد واثناء خدمته العسكرية في الجيش وهو ماسك سلاحه و واقف في الصحرا يتفاجئ بشخص ظهر من العدم جاي ناحيته انسان عادي لكن الغريب انه كان بيطوف كأنه طاير من على الارض وملهوش رجلين
اتفزع من المنظر وفضل

ينادي على الشخص ده نداءات تحذيرية بيطلب منه يمشي من هنا لأن ديه منطقة عسكرية ممنوع الاقتراب منها لكن مكنش فيه اي رد فعل من الشخص ده غير انه لسه بيقرب بنفس الطريقة لحد لما وصل لمسافة قريبة جدا من احمد
وقتها احمد من الارتباك والخضة لقي نفسه بيرفع سلا حه وأطلق عليه أكتر من طلقة عشان ينزل الشخص ده مكانه ميت ويبدأ الرعب الحقيقي لأن من بعد ما قتله ولقي نفسه في حالة فزع وخوف هستيرية لدرجة انه رمي سلا حه وهرب من الجيش وراح على البيت عشان يتفاجئ بيه اهله داخل عليهم وشه مخطوف وبينهج وعلامات الفزع والرعب واضحة عليه و أول ما يدخل البيت يقع من طوله و يدخل في غيبوبة ويفضل طول الوقت يهلوس وهو مغمض عينيه بكلام مش مفهوم ..ابوه اول لما شاف حالته راح جاب شيخ القرية عندهم عشان يرقيه بالفعل يجي شيخ القرية يرقيه ويتفاجئ انه ملبوس وعليه جن مش جن واحد ده عشيرة كاملة لما بدأ الشيخ يتكلم مع الجن الي عليه لقاه بيقوله ان الشاب ده قتل ابني و انه هيت زي ما قتله استغرب الشيخ وسأله قتل ابنك ازاي فا رد عليه الجن وقاله الي حصل وانه ابنه كان متشكل في هيئة انس والشاب ده اطلق عليه النار فما كان من الشيخ إلا انه طلب من الجن انه يسمع من احمد الرواية ويتأكد من صحة الكلامبالفعل يفوق احمد من الحالة الي كان فيها ويحكي الي حصل بالظبط