نصيبي وقسمتي بقلم ايمان شلبي
انتي اتجننتي يافاطمه !! عايزه تفهميني انك رايحه فرح طليقك عادي كده !
التفت تقف امامها وعلامات البرود ترتسم فوق ملامحها ببراعه لتهز رأسها بتأكيد وتهتف بهدوء متنسيش انه ابن خالتي يا يارا
يارا وقد وقفت امامها وعيناها تطلق شرارات الغضب من تلك العنيده صديقتها لتهتف بعصبيه مفرطه ومتنسيش انك طليقته والناس كلها عارفه بده انا استحاله اسيبك تروحي انتي مش شايفه منظرك عامل ازاي! عايزه تقنعيه انه مش فارق معاكي غلطانه لعلمك بقي هو عارف ومتأكد انك لسه بتحبيه ومرواحك الفرح مش هيزود غير الوجع وبس !
فاطمه وهي تلتف مره اخري تقف امام المرآه وتستكمل وضع احمر الشفاه وتتنهد بوجع يارا لو سمحتي انا هروح خالتو عزمتني ومقدرش ارفضلها طلب
يارا بغضب وهي تقذف الوساده بجانبها ارضا خالتك ديه معندهاش دم
فاطمه بغضب وهي تلتف لصديقتها يارا لو سمحتي عيب كده ديه مهما كان خالتي
يارا بعصبيه وهي تتجه وتقف امام صديقتها مباشرهياريت خالتك كانت بتحبك ربع حبك ليها
فاطمه بصراخ في وجهه صديقتها ماهي بتحبني
يارا بصراخ اكبرلو بتحبك ماكانتش عزمتك وهي عارفه ومتأكده انك بتحبي المحروس ابنها فوقي بقي من الاوهام ديه خالتك طول عمرها مش بتطيقك ولا بتطيق امك ولا بتطيق حد فيكم خالتك ديه حربايه متنسيش ياهانم انها كانت السبب في طلاقكم ومتنسيش كمان ان هي اللي لعبت في دماغ ابنها عشان يتجوز واحده تانيه وانتي علي زمته لمجرد انك اتأخرتي شويه في الحمل ياريت متنسيش وترجعي عن الهبل اللي ناويه تعمليه !
فاطمه وهي تجاهد لمنع دموعها من الهطولام وحقها تفرح بأبنها وانا مقدرتش احققلها حلمها واخلف عادي
يارا وهي تشد علي شعرها بغضب انتي عايزه تجننيني يابت انتي! انتي مش عقيمه يافاطمه انتي زي اي حد
فاطمه وهي تقاطعها بصراخ ودموعبس كفايه كفااايه
يارا وعيناها تدمع علي حال صديقتها كان لازم تفوقي يافاطمه كان لازم تعرفي انك مش فارقه مع سالم
فاطمه وهي تقبع فوق الكرسي خلفها لتهتف بحشرجه يارا كلميلي اخوكي
يارا وهي تمسح دموعها بتعجب عايزه فارس ليه !
فاطمه وهي تمسح دموعها بقوهعشان هيروح معايا الفرح
يارا وهي تفتح فاها بصدمه هه
فاطمه يارا في ايه مالك !
يارا اصل مستغربه صراحه فارس!! فارس اللي مفيش مره شوفتيه قبل ما تتجوزي إلا واتخانقتي معاه
فاطمه ما محبه إلا بعد عداوه
يارا وهي تلوي جانب فمها بسخريهفجأه كده حبيتي فارس !! وبعدين ثواني انتي عايزاني اكلم فارس اقوله تعالي عشان تحضر الفرح مع فاطمه اللي عايزه تغيط طليقها ! اللي هو صاحبه استحاله يوافق علي حاجه زي كده
فاطمه وهي تتأفف بضجر طب والحل بقي الحل !!
يارا انك متروحيش الزفت علي دماغهم الفرح ان شالله تحصل مصيبه ويبوظ ياشيخه عشان ترتاحي
كادت ان ترد لولا رنين هاتف يارا التفت وهي تلتقطه من حقيبتها لتجده فارس
يارا بهدوءالو السلام عليكم
فارس بمزاح وعليكم
يارا نينينيني
فارس بجديه مصطنعه انتي فين يابقره
يارا يوه طه ليه قله الادب طه
فارس انجزي يابت انتي فين !
يارا عند فاطمه صاحبتي
فارس بأمتعاض طب وهترجعي امتي عشان عايزك تكويلي البدله السودا عندي فرح
يارا بأستغرابفرح مين
فارس فرح سالم انتي نسيتي أنه صاحبي
يارا بحزن اه طب ماشي انا هنزل اهو وجايه
فارساوك باي
يارا
فاطمه لنفسها ياريت اقدر يا يارا ياريت !
فاااارس انت فين !
خرج فارس من غرفته وهو يهتف بتهكم ايه سواق توكتوك داخل البيت
يارا وهي تلتقط انفاسها وتقبع فوق الاريكه بجانب الباب انا جعانه جبت اكل ايه معاك
فارس بقرف مفجوعه
يارا بحزن لا وانت الصادق مكتئبه ومش طايقه نفسي
فارس بتعجب ليه مالك !
يارا وهي تتنهد بحزن فاطمه صعبانه عليا اوي
فارس عشان جواز سالم
ياراتخيل كانت عايزه تروح الفرح
فارس وهو يرفع احدي حاجبيه بتعجبتروح فرح طليقها ايه الجبروت ده !
يارا بحزن مش جبروت يافارس فاطمه مقهوره وبتموت بس مش عايزه تبين ضعفها لحد
فارس وهو يتنهد
بشفقه
سالم مغصوب علي آمره برضو امه ست حربايه ودخلتله من حته انا كبرت ياسالم وعايزه افرح بأحفادي
يارا بعصبيه مفيش حد يقدر يتغصب علي حاجه لو مش حاببها سالم مش بيحب فاطمه وماصدق
فارس بحده بسيطه ومين قالك دخلتي جوا قلبه وعرفتي مشاعره!
يارا مش محتاجه اللي بيحب حد بيحارب عشانه اللي بيحب حد بيقف قصاد الدنيا كلها حتي لو كانت كل الظروف ضده كلمه بحبك سهله تتقال يافارس انما تمثيلها مش بيدوم !
فارس بعصبيه بس سالم صاحبي وانا عارفه اكتر منك وعارف انه بيحب فاطمه
يارا بأستهجان دخلت جوا قلبه وعرفت مشاعره!
لم يستطع الرد ليتجه بعينيه في جميع الاتجاهات سوي عينيها فهو بالطبع لم يدلف بداخله لمعرفه صدق او كذب مشاعره
يارا بتغني وترد علي نفسك صح!!
فارس ديه حياتهم واحنا ملناش دعوه اكويلي البدله السودا بتاعتي بسرعه عشان انزل رايحه فين يافاطمه!
اغمضت عينيها بضجر وهي تلتف ببطئ نحو مصدر الصوت ماما
هبه مردتيش رايحه فين!
فاطمه
هبه بحده رايحه الفرح مش كده!
فاطمه بشجاعهاه رايحه الفرح ياماما انا مش ضعيفه عشان اتهرب
هبه بعصبيه انتي اتجننتي عايزه الناس تقول علينا ايه دلوقتي
فاطمه بعصبيه الناس الناس الناس مش هامك غير الناس وكلام الناس ياستي ياكش يولعوا الناس كلها كده كده روحت او مروحتش الناس هتتكلم حرام عليكي بقي سيبيني ارد كرامتي شويه
هبه بسخريه هترديها بالعياط بقي !
فاطمه ومين قال اني هتنيل اعيط
هبهبنتي وانا عارفاها اول ماهتدخلي القاعه هتنهاري من العياط
فاطمه بعندلا مش هعيط سيبيني اروح بقي لو سمحتي
هبه بتنهيده روحي يافاطمه ولو خالتك سألتك عني قوليلها اني تعبانه
هزت رأسها بأيجاب وهي تفتح باب المنزل وتخرج منه لتغلقه خلفها وهي تستنشق نسمات الهواء في رئتيها وتغلق عينيها بقوه مانعه نفسها من البكاء ...
فاطمه لنفسهااوعي تعيطي انتي قدها انتي محدش يقدر يكسرك اه انتي اقوي من انك تتكسري قصاد جوازه كانت فاشله من البدايه ...
بعد مرور نصف ساعه بالتقريب وصلت فاطمه الي مقر قاعه الافراح لتقف علي اعتاب القاعه وبداخلها تلعن نفسها وتفكريها في الحضور وهي من الاساس ليس لديها القدره علي المواجهه حتما ستنهار كادت ان تتراجع عما ستفعله وتعود ادراجها ولكن حتما الحظ لم يحالفها تلك المره حيث وجدت خالتها خلفها
هدي بمكر طمطم انتي جيتي انا قولت انك مش هتيجي !
اغتصبت فاطمه ابتسامه صفراء وهي ترحب بخالتها بفتورلا طبعا ازاي مش سالم ابن خالتي وفي مقام اخويا !
هدي بتهكم اخوكي تعالي ياحبيبتي اتفضلي تعالي اعرفك علي عروسه سالم
فاطمه وهي تفرك في يديها بتوترانا مستنيه حد بس وهدخل علي طول
هدي بتعجبمستنيه مين !
فاطمه بدون تفكيرمستنيه خطيبي
هدي بدهشه انتي
فاطمه وهي تبتسم بأهتزازمن اسبوع مجتش مناسبه اقول لحد
