اليوم ركبت مع أغرب شوفير سرفيس شفتو بحياتي

اليوم ركبت مع أغرب شوفير سرفيس شفتو بحياتي!
سألتو شو الاجرة معلم قلي اللي بتدفعه بالعادة قلتلو يعني الإجرة كام قلي ما مشكلة حبيبنا شوف شو عم تدفع بالعادة واعطيني!
قلتلو الصراحة أنا عادة بدفع 500 ليرة بس انا ما معي غير 300 قام قلي تمام هاتن بيعوضني الله
وكان في

بنت ورايي بعتتلو ورقة ب 5000 ليرة قام قلها اذا معك فراطة يا آنسة لأن ما معي فراطة رجعلك! قام ردت عليه والله ما معي غير 200 ليرة فراطة فقلها تمام يا آنسة هاتيهن بيعوضني الله
ونحنا ماشيين بيطلع واحد عن الطريق وبيصير معو نفس القصة اللي صارت مع البنت وما بيطلع معو فراطة غير 150 ليرة

وأخدن الشوفير وكمل عادي!!!!
أنا انفعلت من اللي عم يصير ومبين عالشوفير أنو بسيط وفقير فقلتلو معلم والله وجعني قلبي عليك يعني على هيك انت آخر اليوم مكسور ويا دوب تطلع حق المازوت قلي الأجر والثواب عند الله وبعدين نحنا أخوة بالآخر وظروف الكل صعبة وإذا

ما وقفنا مع بعض بهالأزمة بتخرب البلد أكتر مو خربانة وبتصير العالم تاكل بعضا
الركاب سمعوا الحديث قاموا الكل صاروا يدعولوا بالصحة والرزق وفي منن نزلت دموعن من كتر ما تأثروا بالموقف!!
بعد شي ربع ساعة بتوقفو شرطة المرور ليفحصوا اوراق السيارة ولا منكتشف انو السرفيس مسروق