عريس من عالم اخر بقلم حور حمدان
كنت قاعدة ببص على فستاني وأنا مبتسمة ومبسوطة لحد ما جالي مسدج من محمد جوزي.
فتحت الموبايل بسرعة لكن أول ما فتحت الشات اټخضيت.
كانت صورة بس في آخر الخشب بتاعه كان في حاجة زي السنان!
معمول من فوق بهيكل أول ما شفت الصورة اتلبشت ومكنتش عارفة أقول إيه. بس اللي زاد صدمتي كانت الرسالة اللي بعدها وإن لقيت اعتراض هطلقك.يعني إيه يطلقني! هو بيهزر ولا بيستهبل
حاولت أهدى وكتبتله
محمد يا حبيبي إنت بتهزر صح تطلقني
الرد اللي بعته خلى دماغي ھتنفجر
أيوه أطلقك عادي. وده آخر كلام. يمشي معاك إزاي يعني! قلتها في سري وكتبت له بسرعة يمشي معاك إنت إزاي هو إحنا هنتجوز
معداش ثواني ولقيته بعتلي رسالة صدمتني ووقعت قلبي
طبعا هنحتفل بخلود الوحيد اللي اتجوز من بشړ.
يعني إيه قصده إيه بكلامه ده أمال هو إيه! اللي بيقوله مش طبيعي وقلبي كان هينفجر من القلق والفزع.
رنيت عليه بسرعة بس مردش. سبت الموبايل وقومت أقف في البلكونة شوية عشان أهدى.
لكن الصدمة إنه كان واقف تحت البيت!
واقف وبيبصلي بطريقة غريبة
قلبي دق بړعب وقلت في بالي
هو إيه اللي جابه هنا دلوقتي هو في إيه بالضبط
مسحت على عيوني لكن أول ما نزلت إيدي
ماكانش فيه حد!
محمد اختفى! فعلا مش موجود.
حسيت بۏجع في قلبي مش قادرة أستحمله.دخلت جري من البلكونة وقفلت الباب كويس.
مسكت الموبايل ورنيت عليه تاني. المفاجأة إنه رد بسرعة!
أول ما رد اڼفجرت في العياط وقلتله وأنا برتعش محمد إنت كنت واقف تحت البيت صح بالله
سكت شوية وبعدين قال بصوت بارد لا ماكنتش واقف تحت البيت. إنت بتتخيلي ولا إيه
عيطت أكتر بس حاولت أتكلم من تاني محمد بالله عليك والله العظيم شفتك تحت البيت!
ضحك ضحكته كانت أعلى من الطبيعي ومرعبة. وبعدين قال
لا يا حبيبتي
مسحت عيوني باستغراب.
محمد عمره ما قال إنه عنده أخ توأم هو أصلا معندوش غير أخته هاجر!
قلتله پخوف
بس يا محمد أنا معرفش إن عندك إخوات توأم!
رد ببرود غريب
أهه هتتعرفي عليهم. عندي أخ توأم وأخوات تانين. وهعرفك على بابا وماما كمان.
صړخت فيه
تعرفني على بابا وماما إزاي! إنت مش قلتلي إن أهلك متوفين!محمد إنت بتستهبل! حرام عليك قولي إنك بتهزر!
ضحك بصوت عالي وقفل السكة ف وشي.
كنت هتجنن حرفيا ماقدرتش أنام ولا حتى أهدى كنت حاسة إني في كابوس ومش عارفة أصحى منه.
كل كلمة محمد قالها كانت بتلف في دماغي كل ضحكة كل صورة كل جملة غريبة
فضلت قاعدة على الأرض جنب السرير قلبي بيدق بسرعة والموبايل في إيدي. مافيش دقايق وجالي إشعار جديد.
رسالة من رقم غريب من غير اسم فتحت الرسالة وإيديا بتترعش.استعدي فاضل يومين وهيبدأ كل شيء.قلبي وقع يعني إيه يبدأ كل شيء
رديت بسرعة إنت مين وعايز إيه!ماجليش رد بس بعد دقيقة بالظبط وصلتلي صورة.
الصورة كانت لقاعة فاضية نفس القاعة اللي أنا ومحمد كنا حاجزينها للفرح!
بس ماكانش فيها ورود ولا زينة كانت مليانة شموع سودا وتابوت بالنص! سحبت نفسي بالعافية وقمت جري على الباب قفلته كويس وسندت ضهري عليه وأنا بترعش.
كان في صوت خفيف طالع من الموبايل زي همس!
قربته من ودني وفعلا حد بيهمس باسمي.
حور حور صوت غريب مش صوت محمد ولا صوت حد أعرفه.
قربت الموبايل أكتر وقلبي بيدق پجنون وسمعت جملة واحدة اللي هتشوفيه جاي من قبلي ومش كل عريس من البشر.رميت الموبايل من إيدي وصړخت! فضلت قاعدة في ركن ماسكة راسي وبعيط حاسة إني لوحدي وسط كابوس ومفيش مفر.
لحد ما حسيت بيتقل وعيوني بدأت تغمض واغمى عليا. أول ما فوقت لقيت نفسي في المستشفى وقدامي محمد.
بصيت له بفزع وصړخت على طول بس لقيته بيضحك بشكل طبيعي وبيحاول يهديني. هاجر أخته دخلت بسرعة وقالت پخوف
اهدي يا حور اهدي يا حبيبتي والله قلت له بلاش!
في اللحظة دي دخل الدكتور وكان متعصب وبيزعق
يا جماعة من فضلكم بلاش توتروا المړيضة! زي ما قلتلك يا أستاذ محمد الأنسة حور مينفعش تتعرض لأي ضغط نفسي عندها مشاكل في القلب وأي حاجة لو بسيطة ممكن تتعبها. عن إذنكم اطلعوا برا لحد ما أطمن عليها.
محمد بصلي بحزن وۏجع وسابني هو وهاجر وخرجوا.
الدكتور بدأ يكشف عليا وبعد شوية قاللي
إنت لولا إننا لحقناكي في الوقت المناسب كنتي روحت فيها. سألته بقلق
أنا هنا بقالي قد إيه رد وهو بيضحك
من الساعة اتنين بالليل يا ستي! سكت لحظة وافتكرت إن آخر حاجة شفتها قبل ما يغمى عليا كانت الساعة 12 بليل. قبل ما يخرج بصلي وقال
ما تسيبهوش هو بيحبك جدا. أنا عمري ما شفت حد خاېف على حد بالشكل ده.
بجد مش هتلاقي حد يحبك بالطريقة دي أبدا. ابتسمت له وخرج. بعدها بدقايق محمد
محمد بص لهاجر وقال ممكن تسيبينا شوية هاجر هزت راسها وخرجت. قرب مني وبصلي وقال
مكنتش أعرف إن قلبك ضعيف بالشكل ده يا كتكوتي. بصيت له بقلق فابتسم وقال
والله العظيم كنت بهزر معاكي ! إنت شفتي شقتنا وشوفتي كل حاجة فيها! دموعي نزلت وقلت له بزعل
طب واللي شفته في الشارع رد بحزن
ده كان أنا ولما غمضتي عنيكي استخبيت. كنت بهزر والله ما كنت أعرف إنك هتخافي كده
ولما لقيتك مش بتردي على الفون ولا فتحتي الباب قعدت أخبط.
ولما محدش فتح كسرت الباب دخلت لقيتك مغمي عليكي لبستك بسرعة وجبتك هنا.
مسك إيدي وقال حقك عليا أنا آسف والله بحبك.
بصيت له بلوم وقلعت دبلتي وحطيتها في إيده وقلت له
أنا مش قادرة أكمل معاك بعد اللي حصل أنا عشت ليلة مش هقدر أنساها طول عمري.
محمد وهاجر قعدوا يقنعوني كتير أرجع بس رفضت.وفي الآخر راحوا ووصلوني
لحد باب البيت. وقبل ما يدخلوا قلت له
ياريت تبعتلي ورقة طلاقي. بس محمد ما بعتش حاجة ولا وافق يطلقني.
بعد كام يوم صحيت على رسالة من هاجر حور أنا واقعة في مصېبة أرجوكي الحقيني. أنا في كافيه البحراوي هستناكي هناك. قمت بسرعة لبست ونزلت.
أول ما دخلت الكافيه لقيت النور مطفي والجو هادي بطريقة غريبة
وفجأة النور اتفتح!
الورد بدأ ينزل عليا من السقف وظهر محمد لابس بدلة وواقف قدامي. قرب مني وقال
والله بحبك وافقي نرجع بقى. بصيت له شوية وضحكت. قال بسرعة بحب يعني موافقة صح! قلت له وأنا مبتسمة
يمكن لو مكنتش قدمتلي كل الورد ده مكنتش حتى
بس دلوقتي بحبك.
عريس_من_عالم_اخر
حكاوي_كاتبة
حور_حمدان
