حماتي وبنت سلفتي

حماتي خلتني اربي ابن. ضرتي ورمت بنتي في ملجأ يوم الولاده والسبب
وقبل ما نبدا الحكايه اعرفكم بنفسي انا
اميره عندي 30 سنه متجوزه واحد متجوز واحده
غيري والغريبه ان احنا الاتنين حوامل
وفي يوم كنت نازله عند حماتي
الحما
بسم الله مشاء الله عايشه مع ابني بقى لك 10 سنين وما تحمليش الا اول لما يتجوز عليكي
اميره
علشان تعرفي يا حماتي ان كل شيء قسمه ونصيب واكيد ربنا يعني اللي كاتب ان ده يحصل وانا مش زعلانه والله ان هو متجوز عليا
الحما
يا بنت عليا انا الكلام ده برده ما انا عارفه انك مش طيقاها انها تقعد في البيت بس هتفضل قاعده على قلبك علشان هي بنت اختي الغاليه
اميره
ربنا يخليها ليكي يا حماتي انا داخله
اشوف شغل المطبخ بقي لاحسن اكيد ورانا
شغل كتير وبعدها دخلت المطبخ لقيت حنان
وافقه وتعبانه
اميره
على فكره حرام عليكي ان انت بتعملي في نفسك ده وكان لازم تنزلي العيل زي ما قولت لك
حنان
وطي صوتك انت عايزه حماتنا تسمعنا ولا ايه وهتحصل مصيبه كبيره وبعدين مش هنزل عيال هو انتي مش عايزاني اكون امه ولا ايه يا ست اميره
اميره
انتي عارفه ومتاكده كويس قوي ان انا بحبك وبعاملك زي اختي بالضبط وعلشان كده بقول لك نزلي الحمل اللي في بطنك ده
حنان
هو انتي اكيد بتهزري لا طبعا مش هينفع
وبعدين انتي ناسيه ان حامل في التاسع
ازاي يعني
اميره
الله يسامحك والله على اللي انت عملتيه في نفسك ده طب روحي اقعدي وانا هخلص شغل المطبخ وبعدها خرجت وانا بدات افتكر اللي حصل زمان
فلاش باك
حنان طالعه علي السلم وكانت اميره نازله
حنان
ازيك يا اميره عامله

ايه انا جيت امبارح وقعدت اخبط عليكي وانت مش رديتي تفتحي لي انا عايزه اتكلم معاكي شويه
اميره
معلش يا حنان اصل انا خارجه ضروري علشان خاطر بابا تعبان ولازم اروح ليه ما فيش ما بيني وما بين بعض اي كلام يعني لو عايزه اي حاجه قوليها لحماتي وهي هتقول لي عليها
حنان
انا عايزاك انت ضروري ومش عايزه اي حد يعرف بالكلام اللي هقوله لك انا عارفه ان انت بتكرهيني بس انا والله العظيم غصب عني
اميره
ليه ان شاء الله عيله صغيره يعني اهلها اجبروها انها تتجوز واحد. متجوز انتي يا حنان اللي اتجوزتي جوزي وانتي عارفه كويس قوي انه متجوزك علشان خاطر انا ما بخلفش
حنان
مش هينفع اتكلم على السلم يا تيجي نتكلم في شقتي يا نروح شقتك شويه نتكلم مع بعض
اميره
خلاص تعالي معايا شقتي اما نشووف اخرتها معاكي..
وبعدها طلعنا شقتي وقعدنا وهي بدأت تتكلم وقالت لي
حنان
انا بحب مصطفى من زمان من قبل ما انسى ما تفكري تبصي له اصلا بس هو عمره ما حس بيا خالص وخلاص بقى رضيت بالامر الواقع بس بعدها لما جه واتقدم بابا كان عارف ان انا بحبه ف عشان يساعدني في اواخر ايامي خلاني فعلا اتجوزه
اميره بحده
حلوه اللعبه العبيطه اللي انت عاملاها دي وفاكراني هصدقها ليه قالولك عليا عبيطه ان شاء الله ولا برياله المهم انت عايزه مني ايه انا مش فاهمه ولازمته ايه كلامك الرخم ده
حنان
انا عارفه ان انتي مش هتصدقيني بس الورق ده اللي يثبت ان انا مريضه وعندي القلب وكده كده هموت يعني هسيب لك جوزك يا ستي لوحدك انا مش عايزه حاجه خلاص غير اني اقابل وجه كريم وانا ربنا مسامحني عن كل حاجه عملتها
اميره بصدمه
انت بتقولي ايه الكلام ده لا يمكن يكون حقيقي انت بس بتكلميني علشان خاطر توجعي قلبي مش كده عايزه تصعبي عليا وتخليني اسامحك وخلاص
حنان
والله العظيم ابدا وعايزه اقول لك على حاجه كمان لو عايزه يحصل حمل روحي عند ابوكي اليومين دول وانا هخلي مصطفى يروحلك هناك بلاش تحصل ما بينكم حاجه هنا
اميره بعدم. فهم
هو انتي هتتكلمي بالالغاز ولا ايه ما تقولي على طول في ايه انا مش فاهمه منك حاجه يا حنان
حنان بتوتر
حماتي بتحط لك منع حمل في الاكل علشان خاطر ما تحمليش وانتي لازم ما تاكليش من ايدها حاجه. تاني لو عايزه تخلفي والحل الوحيد انك تعملي كده انك ما تكونيش موجوده في البيت اصلا ده هيبقي احسن وانا هخلي مصطفي يجي لك عند ابوكي هقوله يبقي جنبك هخليه يجيلك يعني بطريقه مش مباشره
اميره بدموع
طب وليه حماتي عايزه تحرمني من الخلفه بجد انا مش قادره اصدق اللي حصل ده ده انا بخدمها بعينيا ومش مخليا حاجه نقصاها ومستحمله نكدها عليا وكل اللي بتعمله فيا وبقول معلش دي ست كببره تقزم تطلع هي السبب اني محرومه سنين من الخلفه
حنان
انا لسه راجعه من عند الدكتور وقال لي ان انا حامل انا عايزه لو جرى ليا حاجه تخلي بالك من بنتي او ابني الله يخليكي يا اميره انا مش هلاقي حد احن عليهم منك انتي
اميره
باذن الله هتكوني كويسه طب حاولي تنزلي الحمل ده ما ينفعش انك تعملي كده عشان لو في فرصه تتعالجي الحمل ده ما يمنعهاااش
حنان ببكاء
لا انا عايزه حاجه برده تفكروا بيها انا ما حدش في الدنيا كلها حب مصطفي قدي وعايزه اسيبله حتت عيل مني عشان ما ينساش حنان و ارجوكي انا عارفه ان انت كويسه وحنينه والله بس بالله عليكي اللي في بطني ده ما لوش ذنب حاولي تخلي بالك منه
اميره
طيب ما تقولي لمصطفى يمكن يكون في علاج او في اي حاجه يقدر يقف جنبك بيها عو اكيد مش هيتخلي عنك
حنان
للاسف ما فيش اي علاج وبالله عليكي خلاص مش عايزه اي حد يعرف حاجه الموضوع ده سر ما بيني وما بينك
_ وفعلا سمعت كلامها وفضلت شايله السر وروحت بيت ابويا. مصطفي جه ليا هناك
مصطفي
ما تعرفيش الحنيه اللي نزلت في قلب حنان ليكي تصدقي ده كلمتني اني اجي اقعد معاكي هنا شويه طول ما ابوكي تعبان على فكره البنت دي والله كويسه شكلنا كنا ظالمنها يا اميره
اميره
وانا عايزاك تكون ما بين هنا وما بين هناك وتخلي بالك منها اليومين دول وبالله عليك اكلها كويس وخليها تروح للدكتور
مصطفي
هو في ايه انت كمان انتم مالكم ايه اللي حصل لكم كده للدرجه دي بقيتو بتحبو بعض وكانكم اخوات وبعدين هو انتي عرفتي ولا ايه مع اني انا منبه عليها ما تجيبش سيره لحد دلوقتي خالص
اميره
هو انت ازاي اصلا عرفت ده مفهماني ان هي مش هتقول لي اي حد علي حاجه
مصطفي
يا بنتي زي ما هو انا الوحيد اللي لازم اعرف بموضوع زي ده امال هخلي بالي من حملها ازاي يعني بس انا والله كنت خايف منك لما تعرفي
اميره
موضوع الحمل اه تمام ماشي ربنا يقومها بالسلامه يا رب وانت بقي كنت خايف مني ليه
مصطفي
مش خايف منك انا خايف علي زعلك انتي عارغه ان انا والله كان نفسي يبقي اول عيل ليا منك انتي واني عمري ما حبيت قدك بس هو النصيب كده واطمني انا عمري ما هسيبك ولا هتخلي عنك ابدا
اميره
الحاجه اللي بتفرحك يا مصطفي بتفرحني انا كمان ويا عالم
احنا ما