حماتي وبنت سلفتي

ولا ندوق الاكل اللي نفسنا فيه هو في ايه يابت دي كانت ضرتك مش اختك
أميرة
ضرتي بس كنت بحبها يا حماتي انا مش فاهمه انتي زعلانة ليه ده حتى المفروض ان دي كانت حاجة تفرحك مش تزعلك ابدا
الحما
لا يا ختي انا بقا عكس الناس كلها وزعلانة خلاص هاتي الواد ده وروحي اعملي لنا الاكل اللي قولت عليه يلا اتحركي بلا دلع ماسخ كده
ودخلت المطبخ واتصلت بأمي وحكيت لها وقالت
الام
متزعليش يا أميرة يا بنتي هي اكيد زعلانة وأكتر منك كمان بس مش راضية تبين قدامك سبيها يابنتي تعمل اللي هي عايزاه الست برضو الصدمة كبيرة عليها
أميرة
دي لو كانت في صدمة فعلا مكنتش تعمل كده ابدا يلا ربنا هو اللي عامل بيها وبحالها يا ماما طيب انا هقفل عشان اروح اجهز الاكل لحسن تعملي حوار
وبيت الدكتور حاتم دخلت امه عند هدى مراتة وقالت لها
الحما
انا عايزة اعرف يا ست هدي انتي ناوية تخلفي امتى حته العيل اللي هيفرحني بقا ولا انا هفضل طول عمري كده من غير حفيد
هدي
اعمل ايه بس يا حماتي ماهو انا مش عارفه اخلي حاتم يسمع الكلام ويسبني احمل اذا هو نفسه دكتور ومش عايزني احمل
الحما
لا انتي تسمعي كلامي انا وانا اللي هاقولك على المفيد انتي يا حبيبتي تروحي لدكتور تاني من غير حاتم ما يعرف حاجة ماشي وبعدين ساعتها هتبقي حامل وهو وقتها يتفاجأ
هدي
ازاى بس يا حماتي وهو بيقولي ان موضوع الحمل ده خطر عليا جدا لو حصل انا كده ممكن اروح فيها
الحما
ياختي ده كلام فارغ ده ما احنا كنا زمان بمحمل ونخلف ونولد ومكنش فيه لا علم ولا إنترنت ولا حاجات زي بتاعت دلوقتي كل حاجة زمان كانت بتحصل علطول كده
هدي
بس برضو انا هاشوف الموضوع ده الأول واتكلم فيه مع حاتم يا حماتي واشوف رأيه الأول لان هو ادري طبعا
الحما
خلاص خليكي ماشية ورا حاتم لحد لما تيجي واحده من الدكاترة القمر اللي معاه تاخده منك يا خايبه انتي عمرك ما هتتعلمي ابدا
ومشيت حماتها وفضلت تفكر في كلامها وتاني يوم راحت لدكتور وقالت له
هدي
انا عايزة اخلف لو سمحت يا دكتور انا اصلي في الحقيقه مش عارفه ايه سبب تأخير الحمل
الدكتور
طيب اتفضلي على السرير هنكشف ونشوف ايه السبب
وطلعت والدكتور قال
على فكرة انتي مفيش عندك اي مانع خالص للحمل هو انتي عندك ضعف في القلب
هدي
انا كنت كشفت والدكتور قالي كده فعلا بس انا بصراحة نفسي يبقى عندي طفل مش اكتر ارجوك يا دكتور انت تساعدني وانا هديك اللي انت عايزة
الدكتور
لا آله الله بصي يا مدام هدي انا هساعدك بس ياريت بعد اذنك انا مليش دعوة بحاجة يعني لو حصل مضاعفات ولا كده
هدي
والله يا دكتور انا مش هدخل حضرتك في اي حاجة
الدكتور
خلاص امشي على التعليمات اللي انا كاتبها لك دي والعلاج وان شاء الله هتبقي كويسة جدا
وفعلا الدكتور ادها العلاج ورجعت البيت وعندي في البيت حماتي قالت
الحما
بقولك ايه يا أميرة انا رايحة مشوار كده وراجعة ماشي خلي بالك من البيت هو مصطفى راجع امتى من بره عشان ابقي اخليه بةيعدي عليا ياخدني
أميرة
لا مش عارفه والله يا حماتي وبعدين انتي عارفه ان هو ملوش مواعيد ثابتة في الشغل بتاعه ده
الحما
خلاص يبقا يرجع براحته بقا وانا هبقا تاكسي وانا جايه يلا سلام
أميرة
الا هو انتي رايحة فين يا حماتي مقولتيش يعني
الحما
انا رايحة لحد المستشفى اعمل شوية تحاليل كده كان طالبهم مني الدكتور يلا بقا انا همشي
ومشيت حماتي وانا معرفتش هي رايحة فين وفي بيت هدي عرفت انها حامل وقالت لنفسها
هدي
الحمد لله الحمل حصل انا لازم اتصل بحاتم وافرحة لا لا لحسن حاتم هيزعل مني انا عارفه بلاش احسن
ودخلت عليها حماتها وقالت لها
الحما
مالك يا هدى واقفه قدام المرايا وبتكلمي نفسك ليه كده يا ست هدي ايه اللي حصل في الدنيا ان شاء الله
هدي
مفيش يا حماتي بس انا عندي خبر حلو اوي يفرحك انا حامل لسه عامله الاختبار وطلع في حمل
الحما
بجد ياهدي انا فرحت اوي الف مبروك يا حبيبتي الف الف مبروك استني لما نتصل على مصطفى ونفرحة
هدي
لا لا ارجوكي حاتم هيزعل اوي لو عرف دلوقتي بلاش نقوله احسن خليها بظروفها كده
الحما
خلاص اللي تشوفيه يا مرات ابني يا حلوه انتي ده انا فرحانة بشكل يا هدى مش عايزة اقولك
وعدي اليوم وبالليل رجع حاتم وهو شايل بنت صغيرة وهدى قالت له
هدي
ايه ده مين البنت الحلوه دي يا حاتم بنت مين دي
حاتم
بنتنا يا هدي مش انتي كان نفسك في طفل او طفله تربيها اديني جبت لك اهو
هدي
بسم الله مشاء الله دي حلوه اوي البنت دي زي القمر هو انت جبتها منين من ملجأ ولا ايه يا حاتم
حاتم
هاااا ااه جبتها من ملجأ الصراحة لما شوفتها قولت اكيد هتعجبك عشان كده جبتها لك تربيها يا حبيبتي
هدي
يا حبيبي انا فرحانة اوي بجد انت متعرفش انت فرحتني ازاى يا حاتم بس انا كنت عايزة اقولك على حاجة بس متزعلش مني ياريت
حاتم
في ايه يا هدى قولي علطول ايه اللي حصل
هدي
حاتم انا حامل
حاتم
انتي بتقولي ايه يا هدى ازاى حصل الكلام ده ازاى انتي ليه تعملي في نفسك كده حرام عليكي يعني انا اللي خايف عليكي وانتي مش خايفه على نفسك
هدي
اهدي يا حاتم يا حبيبي اهدي وانا هفهمك انا كويسة وزي الفل وبعدين انا رحت لدكتور غيرك وقالي اني اقدر احمل واخلف
حاتم
ده دكتور مين المتخلف اللي قالك كده ده حرام عليكي يا هدى انتي ليه مش عايزة تفهمي انك مجرد ما تخلفي هتروحي مني ليه بتعملي فيا كده
هدي
يا حاتم الله يخليك كفايه بقا انت بس ادعي لي وان شاء الله خير يا حبيبي وبعدين بنتنا معانا اهيه لو محصلش وانا مقومتش منها بنتنا دي هتفكرك بيا ههههه بهزر معاك
حاتم
انا مش فاهم انتي ليه كلام امي وعملتي كده انا عارف ان اكيد هي اللي لعبت في دماغك انا عارف ربنا يسترها عليكي
وعندي في البيت كنت سايبه ابني بيعيط ودخلت حماتي وقالت
الحما
انتي سايبه الواد ده بيعيط كده ليه يالي ما تتسمى انتي هو انتي مش المفروض تخلي بالك منه
أميرة
ما أنا رضعته يا حماتي يعني اعمله ايه يعني افضل قاعده جنبة ومعملش حاجة
الحما
يلهوي ده الواد سخن اوي يا أميرة يلا بينا بسرعه على المستشفى
أميرة
سخن ازاى طيب يلا انا هدخل البس هدومي وهتصل بمصطفى يجي لنا على هناك المستشفى عشان نشوف في ايه
ورحنا بسرعه على المستشفى وحماتي قالت
الحما
الحقنا يادكتور حاتم ابن ابني اللي كنت مولد مراتة دي تعبان اوي الله يخليك شوف لنا دكتور أطفال بسرعه
لقيته حاتم بيبص لي وقال لحماتي
حاتم
طيب هاتي وانا هدخل اوضتة الكشف بتاعت الأطفال واكلم الدكتور ينزل من فوق يكشف عليه ودخل وبعدها طلع لنا وقال
البقاء لله ياجماعة الطفل اتوفي للأسف ملحقناش نعمله حاجة
أميرة
ابني راح انت بتقول ايه يادكتور لا لا ابني لا ارجوك يا دكتور اكشف عليه تاني الله يخليك شوفوا ماله انا
حملت فيه بعد سنين