حطيت موبايل قي كفن ستي
حطيت موبيل في كفن جدتي ومن بعدها وكل يوم تحصلي مصيبه.
وقبل ما نبدأ حكايتنا اعرفكم على بطلتنا اسمها ليلى عندها 18 من ذوي الاحتياجات الخاصة وعندها توحد وعايشة مع جدتها اللي كانت ساكنة في منطقة شعبية لان ابوها وامها كانوا دايما يتكسفوا يقولوا عليها بنتهم وفي يوم صحيت على صوت جدتها وهي بتتخانق مع واحده وبتقول
الجده
بقولك ياروح امك انتي انتي متعرفيش انا ممكن اعمل فيكي ايه انا قولت الفلوس انا هاخدها دلوقتي يعني هاخدها دلوقتي تروحي بقا تتشقلبي وتجبيهم منين ده ميخصنيش
الجارة
طيب ياحجة سميحة اجيب منين بس ده الراجل جوزي لسه مقبضش ومش معانا فلوس خالص ده حتى البيت مفيهوش ولا مليم
سميحة
وانا مالي انا ياختي ماتروحي تشتحتيهم ولا تشوفي حد تستلفيهم منه المهم فلوسي تيجي
ليلى
هو في ايه يا تيتة انتي بتزعقي كده ليه براحة عليها الست غلبانة يعني هي هتعمل ايه ولا هتجيب لك منين دي بتقولك مش عارفه تتصرف فيهم
الجده
اكتمي يا بت انتي وادخلي جوه مبقاش الا المتخلفين كمان اللي هيجوا يتكلموا معايا دي واحدة ناقصة وانا بديها علط دماغها انتي بتتدخلي ليه في اللي ملكيش فيه
ليلى
يا تيتة حرام كده هي هتبقا تجيبهم لك في يوم تاني
الجارة
اه والله
الجده
ياختي انا اديتك فرصة واتنين وعشره وانتي ولا انتي بتعملي حاجة يبقا اسكت تاني ليييه ياشيخة روحي بقا غوري في داهيه من هنا يلا يلعن
وفضلت تشتم في الست وبعدها خدت ليلى ودخلت جوه وليلى قالت
ليلى
بصي يا تيتة انتي غلطتي في الست كتير وسبتي لها وده حرام عليكي انك تعملي كده
الجدة
اسمعي يابت انتي انا سمعت منك كتير وسكت انما انتي لو هتفضلي تتكلمي معايا بالطريقة دي وحرام وحلال يبقا متقعديش هنا عندي وترجعي بيت ابوكي انتي سامعة ولا لا
وقالت كلامها وسابتها ودخلت الاوضة وجه ابوها وقال
الاب
ازيك يا ليلي اومال تيتة فين هي جوه ولا ايه
ليلى
لسه داخلة جوه في الاوضة يا بابا هو انت بقا مش ناوي تاخدني اعيش معاك انت وماما واختي سارة انتو وحشتوني وانا تيتة علطول بتزعق لي وبتتخانق مع الناس علطول
جمال
بصي يا ليلي انتي عايشة هنا مع جدتك اللي بتحبك وبتجيب لك كل حاجة هو انتي بقا زعلانة ليه كده
ليلى
عشان تيتة بتشتم الناس وتفضل تتخانق وانا لما بتكلم معاها بتزعق فيا وتفضل تقولي يا متخلفة هو انا متخلفه يا بابا
جمال
لا لا خالص دي اكيد متقصدش حاجة بصي انا هتكلم معاها واخليها
وسابها ودخل عند امه اللي قالت له
سميحة
كويس انك جيت يا عين امك يلا خود بنتك وامشي من هنا انا مش عايزاها معايا هنا
جمال
اهدي يا ماما بس انتي مقابلاتي كده ليه ده انا لسه جاي يعني براحة عليا شوية وبعدين هي ليلى عملت ايه يعني لده كله
سميحة
البت يا حبيبي قال ايه عايزة تعلمني الحلال من الحرام مش ناقص الا المتخلفة عقليا دي كمان
جمال
انتي عارفه ان ليلى مش متخلفة هي بس عندها نسبة ذكاء بسيطة مع انها شاطرة جدا وممتازة كمان
سميحة
لا بقولك ايه انا عارفه اني مش هخلص منك ولا من كلامك انت بقا قولي جاي وعايز ايه بالظبط انت شكلك كده جاي وعايز حاجة
جمال
ههههه انتي طول عمرك فقساني كده يا ماما انا عارفه ذكية من يومك انا فعلا جاي لك عايز منك قرشين كده لحد لما اقبض
سميحة
عايز الفلوس في ايه بقا ان شاء الله هتعمل بيهم ايه ماتاخد من الست مراتك هي مش على قلبها اد كده ولا ايه
جمال
انتي عارفه ان ناديه ادتني كل اللي معاها ومبقاش معاها حاجة تانية انتي بس اديني قرشين وهرجعهم لك بالفوايد وهو انا بشوف منك فوايد ولا غيره عايز كام ياخويا
وبعدها جمال خد منها الفلوس ومشي وناديه قالت له
نادية
كنت خايفة لتجيب
جمال
ما أنا مش هجيبها عشان عارفك انتي مش بتحبي تشوفيها خودي الفلوس اهي اللي طلبتيها عايزة حاجة تانية
نادية
غريبة وهي امك ادتك الفلوس كده لله في لله مش معقول يعني
جمال
ما أنا هرجعهم لها بالفوايد ياختي متفرحيش اوي كده اني واخد منها وبعدين انا عايز اجيب ليلى هنا يا نادية البنت من كتر ما بتقعد لوحدها كتير
بقيت حاسس ان عندها توحد وكمان تفكيرها مش زينا
نادية
انت عارف ان سارة مش بتحبها عشان بتكسفها قدام أصحابها وبعدين يا جمال انا مش هينفع اقول لاصحابي لما يجوا اني عندي بنت من زوي الاحتياجات الخاصة وكمان عندها توحد
جمال
خلاص اللي تشوفيه يا نادية المهم قومي بقا هاتي لنا حاجة حلوه ناكلها يلا
ودخلت جوه وخرجت سارة وقالت
سارة
بابا انا عايزة لبس جديد عشان اروح بيه النادي انت وعدتني انك هتجيب لي لبس جديد
جمال
حاضر يا حبيبتي انا هجيب لك اللي انتي عايزاه بس بقولك ايه يا سارة ابقي ادي اللبس القديم بتاعك لاختك ليلى اهي أولى بيه برضو
سارة
انت بتقول ايه يا بابا لا طبعا انا مش هديها حاجة انا هديهم لبنت البواب وهي لا مش هتاخد حاجة من لبسي خالص
جمال
يا حبيبتي انا بس بقول يعني انها اختك وكده
سارة
بابا لو سمحت
