حطيت موبايل قي كفن ستي

عادي كده وسايبها تعمل اللي هي عايزاه ربنا يهديكي والله مش عارفه هي هتقابل ربنا ازاى
ومن بعدها ليلى بقا ليها حياه لوحدها ومن ساعت لما بقت معاها الموبايل وهي بقيت اقطع في الصلاه وعلي طول موجوده عليه ودخلت في مواقع واتعرفت علي ولد وقال لها
سامح
ايه رايك يا ليلي ادخلك على موقع الدراك ويب وده مش سهل علي فكره ان اي حد يدخل الموقع ده خالص بس عشان انا بقيت بعزك هدخلك
ليلى
طيب ايه الموقع ده يا سامح وبيعمل ايه بالظبط
سامح
الموقع ده ياستي ليه حاجات كتير
كده عشان تفكري انك تدخلي فيه بس انا هعلمك كل حاجة
وبعدها فعلا بقت مشغوله بيه ويوم قالها
سامح
بصي يا ليلي بتوع الموقع عايزينك تعملي اللي هما بيطلبوه يعني مثلا عايزينك تجيبي كلب وتديلوا اكل في منوم
ليلى
ليه يا سامح اللي انت بتقوله ده لا طبعا انا لا يمكن اعمل الحاجات دي طبعا مينفعش اعملها
سامح
يعني ايه انتي من الاول وافقتي ودخلتي الموقع وانا كنت معرفك انك هينطلب منك حاجات غريبة تعمليها وانتي وافقتي جاية دلوقتي بترفضي
ليلى
ايوه انا هرفض وهفضل ارفض اني اعمل كده يا سامح انت ازاى اصلا عايزني اعمل كده ده حتى يبقا حرام عليك
سامح
يبقا انتي خلاص هتخرجي من كل المواقع دي
ليلى
لا لا ازاى بس انا مش هينفع اخرج من المواقع دي اصلا هي اللي بتسليني طيب انا لو عملت اللي انت بتطلبه مني ده انا هستفاد ايه
سامح
طبعا هيطلع لك فلوس كتير اوي زي ما انتي عايزه
ليلى
بجد يعني الفلوس دي اقدر اشتري بيها كل اللي انا عايزاه خلاص انا هاروح اجيب قطه واعمل فيها زي ما انتو طلبتو مني
وبعدها كانت خارجه من اوضتها عشان تروح وتجيب القطه وفي الوقت ده لقت جدتها كانت واقفه بتتخانق مع واحده وبتقولها
جمالات
بقا كده يا سميحة ينفع اللي انتي عملتيه ده بقا انا كنت بتكلم معاكي كلمتين على مرات ابني تقومي تروحي تقولي لها دي حماتك بتقول وبتقول عليكي وتخليها هي وأبنى يتخانقوا معايا
سميحة
وهو انا ايه ياختي اللي هيخليني اروح اقول لمرات ابنك كده وهو انا اصلا شوفتها فين
جمالات
ما انتي بعتي لها وجبتيها عندك وحكيتي لها كل حاجة عن اللي قولته عنها
سميحة
بقولك ايه يا جمالات بلا ابنك يلا مرات ابنك يلا ياختي غوري من هنا يلا امشي ياختي في ستين داهيه تاخدك
ولسه بتشتمها راحت واقعه في الأرض وراحت وليلى عيطت وقالت
ليلى
تيتة يا تيتة قومي يا تيتة دي راحت يا طنط جمالات
جمالات
هي دي هتروح يا ليلي ابدا دي هتودينا كلنا هتفضل عايشة زي ماهي اوعي كده لما افوقها اوعي
وبعدها فعلا جدتها راحت لما جابوا الدكتور وقال
الدكتور
دي سكتة قلبية الست راحت بيها انا هكتب تسريح الدفن وهات ا بقا المغسلة عشان تغسلها
وجه جمال وقال
جمال بحزن
ايه اللي حصل لجدتك يا ليلي يابنتي قولي لي جرا لها ايه بالظبط
ليلى
تيتة كانت واقفه بتتخانق مع طنط جمالات وراحت مره واحده واقعه في الأرض من غير ماحد يعملها حاجة
ردت جمالات بخوف وقالت
جمالات
والله يا استاذ جمال انا كنت بتكلم انا وهي عادي وهي اللي كانت بتزعق وبتغلط فيا وبتكرشني من هنا راحت مره واحده واقعه مش كده يا ليلي
ليلى
ايوه يا بابا هو ده اللي حصل فعلا طنط جملات ملهاش ذنب في حاجة ابدا انا بس خايفه على تيتة لما تقابل ربنا هتعمل ايه
جمال
ربنا يسامحها بقا يا ليلي انا هاروح اجيب الحاجات اللي هتتغسل وتتكفن فيها وارجع
ودخلت ليلى اوضتها وبقت تكلم نفسها وتقول
ليلى
الحمد لله اني معملتش الحاجة اللي كنت ناوية اعملها دي واكيد اللي حصل ده عشان افوق شويه من اللي بعمله هو ازاي اصلا انا كنت عايزة اعمل الكلام ده
وبعدها كانت ليلى واقفه علي غسل جدتها وسالتها المغسلة
المغسلة
معلش يا حبيبتي اهدي انتي كنتي بتحبيها اوي كده
ليلى
انا الصراحة مش بعيط علي فراقها لا انا بعيط علي اللي هيحصل ليها لان متوفيه وهي بتغضب ربنا انا قلبي وجعني عشانها اوي ومش عارفه اعمل ايه عشان ربنا يغفر لها ذنوبها
المغسلة
بصي يا بنتي دلوقتي هي خلاص راحت عند اللي خلاقها واللي ممكن يخفف عنها انك تقرائ عليها قران كتير وتتصدقي وتدعي لها
وفي الوقت ده ليلى كلمت خالتها وحكت لها على كل حاجة وقالت لها
الخاله
خلاص يا ليلي انا عندي فكره انتي تمسكي تليفون جدتك وتمسحي كل حاجه من عليه وتخلي عليه قران بس وتظبطي القران ده انه يشتغل بعد ساعتين يعني على عقبال ما يدفنوا جدتك وده طبعا عشان حاجه تونسها في قبرها وتخفف عنها العذاب يا حبيبتي
ليلى
تفتكري يا خالتو انا لو عملت كده هينفع يعني مفيهاش حاجه عادي
الخالة
اه يا حبيبتي عادي
وفعلا عملت كده وحطت الموبايل في
قلب الكفن من غير ما حد يشوفها وبعدها دفنوا جدتها وابوها قال
جمال
انتي هتيجي معانا يا ليلي البيت مش هينفع تقعدي هنا لوحدك في بيت جدتك
ليلى
يا سلام دلوقتي حسيت اني لوحدي وعايزني اجي معاك البيت لا يا بابا شكرا انا خلاص اتعودت على الوحده واني اعيش لوحدي من غيركم
جمال
ازاى الكلام ده لا طبعا انتي هتيجي معانا البيت يلا جهزي نفسك ولمى هدومك عشان تاخدك معانا
سارة
ما تسيبها يا بابا تعيش لوحدها لوحدها هي اصلا بقت مجنونة ولو جات البيت مش بعيد تجيب لنا
جنان احنا كمان
جمال
خلاص بقا يا سارة بطلي كلامك ده انتي ليه بتقولي كده دي اختك برضو مش اي حد يعني
ليلى
خلاص يا بابا انا هاجي معاكم على البيت عشان ده كمان بيتي ولا ايه