حماتي اكلتني جبنة قديمة
ماتقول كلمة عدله عشان ماما متزعلش الله
سعيد زعق فيها وقال
وانا كلام عوج ولا ايه ياهيام
هيام بخوف
ها لا لا ابدا ياحبيبي مقصدش طبعا اسم الله عليك
سعيد
ايوه كده اتعدلي ويلا عشان نجهز ونرجع البيت احنا مش هنفضل عايشين هنا يعني احنا
هيام
طيب ماتخلينا يومين كمان ياسعيد نفسي اقعد مع ماما
أمنية
ااه يابابا ياريت تخلينا يومين كمان
الحما
ماتخليكم ياسعيد ما انتو قاعدين في بيتي اهو ومش عند حد غريب
سعيد
خلاص هو يوم كمان وبعدها نتو كل على الله ونرجع البيت
وعدي اليوم ووفاء شغاله في البيت كله ومكالتش اي حاجة طول النهار واخر اليوم جات عشان تاكل حتة من الفرخة اللي هيام كلت منها وهي وجوزها حماتها قالت
انتي بتعملي ايه يابت
وفاء
انا هاكل ياحماتي عشان جعانة ومكالتش من الصبح وحاسة اني هقع من قله الاقل
راحت حماتها جابت لها طبق الجبنة القديمة وقالت لها
خودي اكلك اهو انما الاكل ده متمديش ايدك عليه
وفاء
يعني بعد تعبي طول النهار ووقفتي على رجلي اقوم اكل جبنة قديمة ده حرام والله
الحما
حرمت عليكي عيشتك ياختي ارضى وقولي الحمد لله
وسبتها وخرجت من المطبخ ووفاء قالت لنفسها
حسبي الله ونعم الوكيل فيكي انتي وابنك
واخر الليل طلعت شقتها هي وعادل وكان مهدود حيلها على الآخر وراح جنبها عادل وقال لها
ايه يافوفا ماتيجي عايزك في كلمتين
وفاء
بقولك ايه ابعد عني عشان مش طيقاك ولا طايقه ولما تبقا تعملي كرامه ابقي اعمل اللي انت عايزة معايا
عادل
ايه الكلام اللي بتقوليه ده ياهيام هو انا عملت ايه يعني
وفاء
ماهي المصيبة انك معملتش حاجة سبتني بتبهدل قدامك وسكت والآخر انا اكل جبنه قديمة وانت كلكم تاكل فراخ ولحمة بس انا مش مشكلتي الاكل لا لا خالص انا مشكلتي ان جوزى ملوش كلمة
عادل
ماتحترمي نفسك ياوفاء ايه الكلام اللي انتي بتقوليه
وفاء
لا ابدا هي معملتش حاجة انا اللي بتبلي عليها نام ياعادل الله يكرمك عشان انا كمان ساعتين المفروض انزل اكمل شغل الخدامة عند امك سبني اريح الساعتين دول
وسبته ونامت وهو بقا قاعد طول الليل ينفخ وتاني يوم الصبح نزلت وفاء من الساعة سته وحضرت الفطار وهي في المطبخ دخلت أمنية وقالت
بقولك ايه يابتاعة انتي ياريت تحطي لي طماطم على الفول النهار اصلي نفسي اكله بطماطم
وفاء
حاضر يا أمنية اي خدمة تانية
أمنية
لا مفيش بس ياريت تنجزي عشان كلهم مستنين الفطار بره
وخرجت امنيه وبعد شوية حطت وفاء الاكل وجم ياكلو وهي راحت تقعد حماتها قالت
انتي هتعملي ايه يابت انتي عايزة تقعدي تاكلي معانا يلا ادخلي جوه على مانخلص اكل
وفاء اتصدمت وبصت لعادل اللي عمل نفسه مش سامع وهيام بتاكل الفول راحت قايله
ايه القرف ده هو مين اللي حط طماطم على الفول وانا وجوزي مش بناكلة كده
الحما باستغراب
طماطم على الفول هو عليه طماطم ماهي اللي عاملاة انتي يازفته انتي انتي يابت يلي اسمك وفاء
جات وفاء جري من جوه وقالت في ايه ياحماتي
راحت حماتها ماسكة الطبق وراحت رمياه في وشها وقالت
ايه الفول المقرف اللي انتي عملاه ده وانتي عارفه اننا مش بناكلة بطماطم عملتي كده ليه
وفاء اتصدمت من الاكل اللي لبس في وشها ده وقالت
والله انا مكنتش هحط بس أمني..
ولسه هتكملي كلامها قاطعتها حماتها وقالت لها
عايزة تقولي ايه يلي تولعي انتي امشي يابت غوري من هنا
ومشيت وفاء دخلت جوه وسعيد قاعد هيطق من حماته وعمايلها في وفاء وعادل قاعد ساكت وقال
يلا بينا نمشي من هنا ياهيام
الحما
يووه جرا ايه يجوز بنتي مالك هو في حد ضايقك ولا ايه
سعيد
لا مفيش ياحماتي بس اصل في حاجات بتحصل في البيت ده ومش عجباني وانا بصراحة راجل حر ومرضاش
هيام
واحنا مالنا احنا ياسعيد ماما حره تعمل اللي هي عايزاه
سعيد
انتي تسكتي خالص ولو مش هتيجي معايا يبقا تخليكي انتي وبنتك جنب امك هنا ومترجعش البيت تاني
الحما
جرا ايه ياسعيد هو في حد داس لك على طرف ولا ايه
سعيد
لا ابدا ياحماتي بس باختصار كده الوضع مش عجبني انا قولت ايه ياهيام
عادل
ما تهدي ياسعيد محصلش حاجة لده كله يعني
سعيد
حصل ولا محصلش يا سيد الرجالة يلي
سايب مراتك تتهزا والله العظيم الله يكون في عونها البنت دي
وبعدها اخد مراتة وبنتة ومشيو وحماتها قالت لها
عجبك كده ياوش الغم انتي من ساعت ما ذخلتي البيت ده وانا قولت انك فقر
وفاء
هو انا عملت ايه يعني عشان تقولي عليا كده ما أنا شغاله زي الخدامة اهو ومتكلمتش ابدا في ايه تاني
الحما
في انك خليتي جور بنتي يمشي من عندي زعلان بسببك كتك الهم وش فقر يلا غوري يابت على جوه
بصت لعادل اللي قاعد ولا كان في حاجة بتحصل
ورجعت هيام وجوزها البيت وقالت له
هو انت مالك محموق اوي على مرات اخويا كده هي كانت من بقيت عيلتك
سعيد
انتي عارفه لو متسكتيش ياهيام انا هطلقك دلوقتي حالا اصل امك دي بتستهبل اصلا
هيام
وهي امي عملت ايه يعني ياسعيد
سعيد
لا امك معملتش حاجة بس ارجع واقول الرك على اخوكي النطع اللي ملوش شخصية قدام امك وسيبها تبهدل مراتة بالشكل ده
هيام
وهي يعني امك انت اللي كويسه اوي ماهي امك بتعمل كده معايا
سعيد
بقا امي برضو بتعمل معاكي كده امي اللي مفيش أطيب منها بتعمل
هيام
ااه بتعمل كده وأكتر كمان بس انا اللي مبرضاش اتكلم
سعيد
ماشي ياهيام انا هاشوف امي بتعمل معاكي كده ازاى ولو ليكي حق انا هجيبهولك
وبعد كام يوم ووفاء على نفس الحال وشغالة ليل نهار وشكلها خست وجالها انميا
وفي يوم عادل بيكلمها راحت وقعت من طولها وقال لامه
الحقي ياما وفاء وقعت من طولها انا خايف ليكون جرا لها حاجة
الام
ولا جرا لها حاجة ولا بتاع ياخويا دلوقتي تقوم زي الجن وسبتها مرمية في الأرض
وعند ابو وفاء قال لأمها
انا قلبي وأكلني على البت يا ام وفاء اي نعم هي رضيت بالعيشة بس انا قلبي حاسس انها فيها حاجة انا هاروح ابص عليها وارجع
وراح ابو وفاء البيت عندهم ودخل وشاف بنته وقال
غملتو فيها ايه ياعالم يلي متعرفوش ربنا بقا دي بنتي اللي ابنك اتجوزها دي عاملة زي الهيكل العظمى انا هوديك في ستين داهيه ياعادل انت وامك
واخدها وجري على المستشفى وهناك الدكتور قاله
للأسف بنتك عندها سؤ تغذية وانيميا وفقر دم هي مكنتش بتاكل خالص ولا ايه
الاب
منه لله جوزها يادكتور هو اللي عمل فيها كده هو وامه
وفضلت وفاء في المستشفى كام يوم عشان معلقه محاليل وابوها قال لعادل انه لازم يطلقها وهيام رجعت لأمها مطلقه قالتلها
يامصبتي طلقك ليه يابت
هيام
بسبب امه وعمايلها فيا
أمنية
لا ده بسبب عمايلك انتي في تيتة وبابا قفشك وانتي بطلعي عنيها
الام
وايه يعني لما تطلع عنيها يابت فيها ايه
عادل استغرب وقال
ياسلام يعني بنتك تطلع عين حماتها عادي بالنسبة لك وانا مراتي اللي كانت شغاله خدامة عندك انتي تطلعي عنيها عادي
هيام
امك تعمل اللي هي عايزاه ياعادل
عادل
خلاص انتي خليكي جنب امك يلي بقيتي مطلقه انما انا هاروح اخد مراتي
في شقه بعيده عن هنا ونعيش في سلام انا وهي
الام
بقا كده ايه هي عصتك عليا
عادل
هي كانت بتنطق ولا بتتكلم كلمة واحده برغم اللي كنتي عملاه فيها بس خلاص يا أمي أنا لازم ابقي راجل واحمي مراتي بنت الأصول اللي معرفتش احافظ عليها
وبعدها عادل ساب لامه البيت ومشي وراح اخد
وبكده تكون خلصت حكايتنا
