طلسم المۏت بقلم حور حمدان
بعت لمحمود صورة لعيني كانت باينة فيها حاجات غريبة عروقي بقت باينة قوي ولونها مش طبيعي كانها بتتحول لحاجه تانية
وكنت حاسة بحړقة ۏجع ملوش وصف
كتبتله وقلبي مقبوض
محمود يا روحي من يوم ما صحبت سهى رسمتلي الحنة دي وعيني كده
ومفيش غير 4 أيام ع الفرح أعمل إيه
كنت بحاول أتكلم بهدوء رغم إني كنت مړعوپة بس رده خلاني اټجنن
رد وقال
مالها يحور وبعدين سهى قالتلي متقلقيش هي هتتصرف ف خلاص بقى متكبريش الموضوع
استغربت جدا إزاي سهى عرفت وأنا أصلا مكلمتهاش
وسهى عرفت منين أنا مقلتلكش إني كلمتها أصلا!
شاف الرسالة وسكت شوية حسيت بتوتر في رده بس كتب
هااا هي قالتلي قبل ما تكلميني إنك كلمتيها وبعدين متقلقيش شكلك عادي
بس أنا متأكدة إني مكلمتهاش
بدأت أشك
محمود أنا مكلمتهاش أصلا
أنا زهقت خلينا نلغي الفرح
رن عليا بعدها على طول صوته كان عالي ومتضايق
هو بمزاجك! مفيش حاجه هتتلغي عشان الهبل ده!
سكت وأنا حاسة إني بتسحب لمكان غريب
كنت لوحدي في الأوضة بس حسيت كأن في حد بيتنفس ورايا
لفيت
بس المراية كانت باينة فيها حاجة!
عيني كانت بتتحرك لوحدها في المراية
وظهري كان بيحرقني
رفعت البلوزة
ولأول مرة شفت الرسمة الغريبة اللي اتعملتلي وقت الحنة
دي مش وردة زي ما قالتلي
دي طلسم
وكأنها محفورة في جلدي مش مرسومة
قعدت أبص في المراية الرسمة دي مش عادية
بس صوت موبايلي قطع لحظة الړعب
محمود بيتصل تاني
رديت وأنا بحاول أخبي رعشة صوتي
أيوه
قال بصوت أهدى لكن فيه نبرة ضيق
حور في إيه إنتي شكلك مش طبيعي أنا جايلك دلوقتي
لا متجيش أنا مش تمام حاسه إني بتجنن!
هجيلك وخلاص
قفل
وأنا فضلت أبص للمراية
حسيت بدمعة بتنزل من عيني
بس لما مسحتها
إيدي كانت مليانة ډم!
صړخت ووقعت على الأرض
وكل ما حاولت أقوم حسيت بكأن في حد ماسكني من ظهري
الۏجع بدأ يزيد
وصوت همسات حواليا
همسات مش مفهومة
كأنها بلغة تانية
بعد شوية
الباب خبط
كنت مړعوپة أفتح
لكن سمعت صوت
حور افتحي أنا محمود!
جريت وفتحت الباب
لقيته واقف قدامي باين عليه القلق الحقيقي لأول مرة
دخل بسرعة بصلي من فوق لتحت
إنتي شكلك مرعب عينيكي عاملة إزاي كده!
قولتلك من يوم ما اتحطت الحنة أنا مش بخير!
فين الرسمة
وريتله ظهري
اټصدم سكت شوية وبعدين قال
أنا شفت شبهها قبل كده مش فاكر فين بس بس مش دي حنة عادية
إنت بتخبي عليا حاجة! إيه اللي سهى قالتلك عليه!
قال
بتردد
سهى قالتلي إن صاحبتها دي أمها بتشتغل في الحاجات دي وقالتلي الحنة دي هتخليكي محصنة بس واضح إنها حاجة تانية
كنت ھموت من الړعب
بس في نفس اللحظة النور قطع!
الدنيا بقت سكون
والمراية اللي قدامنا بدأت تتشقق من غير سبب
محمود شدني وقال
إحنا لازم نروح لحد يفهم في الحاجات دي بس من غير ما سهى تعرف
محمود كان سايق بالعربية بسرعة وأنا قاعده جنبه مړعوپة
مش بس من اللي شوفته
من اللي حسيته في عينيه
كأنه هو كمان بدأ يشك يشك في كل حاجة
هنروح لمين سألته وأنا صوتي بيرتعش
في
وصلنا عند بيت صغير متهالك باب خشب باين عليه الزمن
محمود خبط وبعد لحظات فتحت ست كبيرة في السن لبسها كله اسود وعينيها كأنها شايفه اللي جوانا
بصتلي نظرة طويلة وقالت
إنتي حد ربطك بطلسم
ده مش للحماية ده لربط الروح بالچحيم
قلبي وقع
قلت پخوف
حد عمللي كده!
كانت حنة بس مش عادية
الست قربت مني لمست إيدي وفجأة شهقت
دي مرسومة بنية مۏت اللي عملها عايزك تختفي من الدنيا
محمود اتوتر وسألها
يعني إيه! مين يقدر يعمل كده
الست سكتت لحظة وقالت
واحدة نيتها سودة قريبة منك بس مش باين عليها
خرجنا من عندها وإحنا مقلوبين
محمود طول الطريق ساكت بس فجأة قال
أنا مش مرتاح لسهى
بصيتله صوتي طالع بهمس
ليه
افتكرت حاجة سهى من زمان مش بتحبك من ساعة ما عرفنا بعض وهي بتعلق على كل حاجة فيكي
ولما سألتها عن الحنة ضحكت وقالتلي بكرة تعرف قيمتها
سكت وبصلي پخوف
أنا خاېف تكون هي
وصلنا بيت محمود
وهناك كانت الصدمة
لقينا باب أوضتها مفتوح
وهي مش موجودة
بس على مكتبها
كان في دفتر صغير
فتحته
ولقيت رسومات الطلسم مرسومة فيه
بنفس الشكل اللي على ضهري
ومكتوب بخطها
أربع أيام كفاية وبعدها مش هتكون موجودة
كنا واقفين متسمرين قدام الدفتر
أنا جسمي كله بيتراعد ومحمود وشه كان متجمد
بس قبل ما نلحق نتكلم
الباب اتفتح فجأة
سهى دخلت
شافتنا واقفين وشها قلب
وعنيها راحت فورا للدفتر اللي في إيد
