كل لما اجيب شغاله

العموم في حاجه حصلت عند اختك ولا اي
سحر
ايوه تصور البنت الي كانت جيباها تشتغل عندها بعدها بشهور لاقتها حامل وكانت شاكه في جوزها
وطلبت يتعمل تعمل تحليل DNAبس صحيت ملقتهاش ودلوقتي محتاسه علي شغل البيت
اسلام
وانا كمان شاكك في الي اسمو عماد علشان اقولك ان هو مش سهل وشوفتو اكتر من مره مع واحده شكل وانتي مكنتسش بتصدقي وكل الي علي لسانك بيحب هاله شوفي علشان تصدقيني
سحر
بصراحه انا كمان بدات اشك فيه علي العموم ملناش دعوه خلينا بعاد انت شايف هاله تعبانه الزاي واقل صډمه ممكن تعرضها للتعب
واعي شايله بابا عني
اسلام
عندك حق وهيه حره هيه وجوزها وبيروح مقرب منها وبيقول
هو انتي مالك حلوه اووي كده معقول مسافه يومين تحلوي بالشكل ده
سحر
معقول يا اسلام انت لسه بتحبني بالشكل ده انا مش مصدقه والله وانا الي بقول حبك ممكن يقل مع الزمن بس انت بتثبتلي غير كده خالص
اسلام
يا خبر دا كلام تعالي بس وانا هوريكي الحب بحق وحقيقي
وبيروح واخدها وبيدخلو علي جوه
وفي الوقت ده بوصل البيت وبلاقي عماد موجود
عماد
اخيرا شرفتي يا هانم انتي كنتي فين والزاي تخرجي من غير ما تكلميني هو انا مبقتش مالي عينك ولا اي
هاله
بقولك اي يا عماد اجل اي حاجه عاوز تتكلم فيها انا جايه تعبانه اصلا
واه صحيح في واحده جايه بكره مكان البنت القديمه يريت ملكش دعوه بيها ولا تيجي جنبها
عماد
هو انتي لسه مقتنعه ان انا ممكن اعمل حاجه زي دي معقول ثقتك مهزوزه فيا بالشكل ده
وعلي فكره يا هاله انا لو كنت عملت حاجه زي دي كنت قولت مش هخاف منك والي عندك اعمليه
وبيروح سايبني وبيخرج وبلاقي بابا خارج علي

الكرسي بتاعو وبيقول
الاب
ليه يا هاله يا بنتي بتعملي كده انا واثق ان جوزك مستحيل يعمل كده جوزك ابن حلال بيعرف ربنا مستحيل يعمل حاحه تغضبو
هاله
ڠصب عني يا بابا انا دماغي هتتفرتك وبالذات البنت دي من ساعت ما اشتغلت في البيت ومكنتش بتروح اي مكان
هيكون مين الي عمل فيها كده التفكير هيجنني
الاب
هوني علي نفسك بس الي انا اعرفو ان انا متاكد ان جوزك مستحيل يعمل حاجه زي كده عماد كويس انتي تحمدي ربنا ان واحد زيوو في حياتك
هاله
عندك حق يا بابا علي العموم متشغلش بالك اول ما يجي بالسلامه انا هكلمو
وانا كنت عند سحر من شويه والبنت الي شغاله عندها عندها اخت لو كده هتبدا تشتغل في البيت من بكره
الاب
انا عارف ان متقل عليكي يا بنتي وبالذات فيكي الي مكفيكي بس انا مليش غيرك انتي واختك
هاله
يا خبر دا كلام يا بابا دي لو مشلتكش الارض هشيلك في عيوني تعالي بس لما ادخلك اوضتك تستريح وبعد كده اجيب ليك الغدا علشان تاخد العلاج
وبروح مدخلاه جوه وبدخل علي المطبخ
وتاتي يوم بتيجي سحر ومعاها مريم
سحر
ادي مريم اهي الي قولتلك عليها وعلي فكره هيه بنت كويس وهترفع راسي مش كده يا مريم
مريم
طبعا يا ست هانم وكل الي هيه عاوزاه انا تحت امرها فيه
هاله
انا كل الي انا عاوزاه الامانه وان انتي تخلي بالك من بابا واي حاجه تحصل تقوليها ليا مټخافيش اي حاجه اي حاجه
سحر
روحي انتي يا مريم ادخلي اعملي لينا كوبايتين عصير انا وهاله
سحر
علي فكره غلط الي انتي بتعمليه ده كده هتخلي البنت تشك ان في حاجه
هاله
ڠصب عني يا سحر من ساعت ما حصل الي حصل وانا دماغي عماله تودي وتجيب اي الي حصل للاسمها ندي
سحر
طالما انتي شاكه في جوزك ممكن يكون عمل

حاجه زي دي يبقي مفيش الا حل واحد ان انتي تركبي كاميرات
واهو لو خرجتي يبقي ليكي عين جوه البيت وشايفه اي الي ببحصل من جوه
.هاله
تصدقي ان انتي عندك حق كانت راحت فين الفكره دي عن دماغي بس علي العموم اشوف الحوار ده وربنا يسهلها
هو انتي مش هتدخلي تشوفي بابا وبتطمني عليه
سحر
انتي عارفه ابوكي اد اي زنان ولو شافني هيشبط فياا علشان اخدو معايا وبالشكل ده مش هاخد راحتي انا واسلام
هاله
بقولك اي اعملي الي تعمليه انتي حره انا مش هطلب منك حاجه بعد كده وعلي فكره هتتحاسبي علي الي بتعمليه ده
سحر
بقولك اي انا همشي علشان انا عارفه كويس ان انا مش هخلص من محاضراتك دي ومش عاوزه دماغي تصدع
وبتروح ماشيه
وفي الوقت ده بسمع بابا بينادي عليا
هاله
نعم يا حبيبي محناج حاجه انت كويس
الاب
انا كنت سامع صوت سحر اختك من شويه هيه كانت موجوده هنا ولا اي
هاله
لا طبعا يا بابا هيه لو سحر هنا برضو كانت دخلت جوه سلمت عليك تلاقيك سمعت صوت الشغاله الجديده وافتكرتها هيه انا هروح انادي عليها علشان افهمها الوصع بتاعك
وبعدها بشويه بيجي عماد الي اول ما بيشوف مريم بيقول
عماد
تعالي عايزك جوا دقيقه واحده وبعدها بندخل الاوضه بلاقي بيقول
عماد بضيق
هو انتي برضو محرمتيش من المره الي فاتت وجايبه بنت صغيره دا كلام برضو هو انتي مبتحرميش انا افتكرت هتجيبي واحده كبيره
هاله
في اي يا عماد مالك داخل اول ما شوفتها وانت عملت كده وعلي فكره مريم مش زي الي اسمها ندي البنت دي عارفع عنها كل حاجه وغير كده كمان اختها شغاله عند سحر
يعني لو فكرت تهرب ولا تعمل حاجه كده ولا كده هقدر اجيبها بسهوله
عماد
علي العموم اعملي الي تعمليه علشان عارف الكلام مش هيجيب معاكي نتيجه ولو اتكلمت ولا قولت حاجه هتفهميني غلط فافضل ساكت احسن
وبيروح داخل علي جوه وبيعدي 3شهور وفي الوقت ده بلاقي البنت وشها متغير ووشها اصفر وكل ما تشم حاجه عاوزه ترجع
هاله بشك
انتي كويسه يا مريم ومال وشك عامل كده ليه
واول ما بقول ليها كده بلاقيها اتوترت وقالت
مريم
ها لا مفيش حاجه كل الحكايه ان شكلي واخده برد في معدتي علشان كده هشرب حاجه سخنه وان شاء الله هبقي كويسه
هاله
تمام ولو حاسه ان انتي تعبانه قووي قوليلي نروح لدكتور اطمن عليكي انتي برضو مسؤوله مني هناااا
مريم
حاصر يا ست هانم متشغليش بالك لو حسيت بحاجه انتي اول واحده هقول ليكي
هاله
علي العموم انا نازله اجيب شويه طلبات ولو محتاجه حاجه من تحت ابقي رمي عليا وبروح سيباها وبنزل
هاله
يا خبر دا انا نسيت الموبايل انا مش فاهمه مال عقلي مشغول لي بس
وبروح طالعه واول ما بفتح باب الشقه بلاقي الصدمه لقيت بابا واقف عند المطبخ ومريم جوا وبعدها قولت ليه
هاله
معقول الي انا شيفاه ده يا بابا طالما انت قادر تقف وبتتحرك امال ضاحك علينا وبتقول ان انت مبتقدرش تتحرك من مكانك
الاب بتوتر
هاله اي الي رجعك بس دلوقتي هو كل
هاله بمقاطعه
انا عاوزه افهم هو اي الي بيحصل بالظبط وطالما قادر تتحرك وصحتك كويسه ليه كذبت عليا
اوعي يكون ليك يد في الي حصل لندي
الاب
معقول يا هاله جالك قلب تقولي ليا الكلام ده انا عارف انك هتشكي فياا دلوقتي لما شوفتيني بتحرك بس انا يا بنتي عملت كل ده علشان ما ابقاش لوحدي
طول ما انتم شايفني كويس هتخلوني قاعد لوحدي
هاله
اي الكلام الغريب الي انت بتقولو ده يا بابا لا طبعا مستحيل اسيبك