جوزي طلقني
جوزي طلقني علشان مو ت اختي يوم فرحها
وجبت لماما جلطه
وفي البدايه اعرفكم بنفسي انا
شمس عندي 28 سنه وفي يوم كنت قاعده
انا وجوزي وعامله اقول ليه
شمس
هو انت عمال تزعق ليا كده ليه محسسني يعني ان انا باخد الفلوس دي بصرفها على اهلي ما انت عارف العيشه كلها غاليه
محمد
بس حرام عليك يا شمس انا بشوفك كل يوم بتعملي اكل وبتعملي اكل كثير واللي بيفيد منك بترميه في الزباله ما احنا اولى بالفلوس اللي عماله تترمي في الزباله دي
شمس
لا بقولك ايه يا حبيبي انت عارف من قبل ما نتجوز ان انا ما باكلش الاكل بايت يومين ورا بعض ولا احنا اللي هقولوا هعيدو ولا اي
محمد
يا بنت الناس انتي لازم تستحملي جوزك على قد ظروفه ما ينفعش اللي انت بتعمليه ده خالص
طيب اعملي عينات على الاكل انا كده كده عايش انا وانت بس معناش ثالث
وفي الوقت ده لقيت الباب بيخبط وروحت فتحت
شمس
منى ازيك يا حبيبتي عامله ايه غريبه يعني ده انت ما بتجيش عندي الا كل فين وفين جيتي امبارح وجايه النهارده
مني
ليكي عندي خبر حلو قوي بس انا عايزه محمد هو موجود هنا ولا خرج
شمس
عايزه محمد جوزي انا في موضوع مهم ادخلي موجود جوه خير يا رب بقول لك ايه بالله عليك يا منى اوعي تكوني عايزه منه فلوس ده انا كنت بفكر استلف من امك اصلا
مني
ايه الكلام اللي انت بتقوليه ده ما انت عارفه ومتاكده كويس قوي ان انا بشتغل ومعايا مرتبي ومش محتاجه اي حاجه
شمس
اذا كان كده يا حبيبتي ادخلي جوه يلا وبعدها دخلت وسلمت على محمد وقعدت
محمد
بنت
شمس
دلوقتي الاكل بقى حلو يعني ما انت كنت لسه من شويه عملت حاسبني وهي ما بتاكلش اصلا علشان خاطر ماما
محمد بصوت واطي
الله يكسفك يا بعيده انا هقوم احط الاكل يا منى
مني
والله مراتك عندها حق هي عارفه ان انا ما باكلش لقمه من غير ماما علشان هي بتفضل قاعده طول النهار من غير اكل لحد ما انا ما رجع اقعد بس عشان انا عايزاك في موضوع مهم
محمد
خير يا رب قولي يا حبيبتي عايزه ايه وانا تحت امرك فيه
مني
بصراحه انا متقدم ليا واحد معايا في الشغل وانت عارف ان انا ولا ليا اخ ولد وبابا متوفي وعايزاك انت تكون اخويا وسندي وتيجي تقرا
معاه الفاتحه
محمد
يا خبر ابيض الف مبروك يا حبيبتي ربنا يكمل لك على خير يا رب بس كده من عيني الاثنين انت عارفه ان انا فعلا في مقام اخوكي
شمس
بس هو انت بتبارك لمين ان شاء الله وبعد ين جواز ايه اللي انت بتفكري فيه وانت مش لاقيه الجواز الا دلوقتي ما انت قعدتي 40 سنه من غير جواز اقعدي كمان ال 20 دول وموتي وريحينا بقى
مني
هو انت يا شمس بتتكلمي جد ولا بتهزري قولي بالله عليكي ان انت بتهزري
شمس
فاضيه الجنابك انا بقى عشان اقعد اهزر معاكي عايزه تتجوزي وتسيبي لي ماما لا يا حبيبتي بقول لك ايه امك مش هتيجي الشقه هنا وتعيش معايا
مني
ايه الكلام الغريب اللي انت بتقوليه ده يا شمس وبعدين هي امي لوحدي ما هو امك انت كمان ويا ستي هو بس شهر هتشيليها
شمس
لا لا بصي بقولك ايه يا منى انا من راي انك تشيلي فكره الجواز دي من دماغي خالص يا منى انت سامعه ولا لا لاحسن والله العظيم
مني
انا مش عارفه انتي ازاى كده بجد معقوله انتي اختي اسمعي يا شمس انا مش هاقبل منك كلمه تانيه انتي سامعه ولا لا وانا غلطانه اصلا ان انا جيت هنا علشان خاطر كنت فاكرة اني جاية افرحك معايا انا ماشية بعد اذنك يا محمد
محمد
استني بس يا منى رايحة فين احنا لسه متكلمناش في حاجة اقعدي بس استهدى بالله
مني
لا اله الا الله معلش انا مش قاعده يا محمد واظن كفايه اوي كده اللي مراتة عملته معايا عن اذنك انا همشي
وبعدها مشيت ومحمد قال ليا
محمد
هو انت ايه يا شيخة والله حرام عليكي بس هو انتي فعلا كنت بتتكلمي بجد ازاى انا مش فاهم انتي تعملي في اختك كده دي كانت جايه فرحانه وانت جايه تكسري بنفسها ليه يا شمس انتي بتعملي ليه كده فيها دي اختك
شمس
بقولك ايه يا محمد البت دي واحده عبيطه قال ايه جايه تفكر دلوقتي انها تتجوز وهي عندها 40 سنه بقولك ايه انت لسه عمال تكلمني على المصاريف وهي لو اتجوزت يا حبيبي انت هتبعث لي امي مصاريف وانت عارف ان علاج امي غالي
محمد
علاج غالي ولا مش غالي يا ستي من جمله المصاريف اللي انت عماله تصرفي فيها هو انتي ازاي معندكيش قلب كده يا شيخة بقا
شمس
بقولك ايه دي اختي وانا حره فيها ما لكش انت دعوه طلع نفسك انت من الحوار ده يا حبيبي ماشي
وبعدها
وفي شقه ماما كانت وافقه مني
قدام المرايا وعامله تبص في شعرها
مني
تصدقي يا ماما ان انا طلع لي شعري كتير قوي ابيض هو بجد انا كبرت في السن قوي كده ولا ايه
الام
لا يا حبيبتي ده وراثه انا كمان شعري كان ابيض وانا عمري 30 سنه هو انتي مالك يا منى انتي كنت فرحانه الصبح وانتي نازله الشغل ايه اللي حصل لك يا حبيبتي
مني
ما تعرفيش يا ماما اختي كسرت بنفسي ازاي والله العظيم انا زعلانه جدا بسبب اللي حصل ده ومش عارفه هي ليه بتعمل معايا كده ده ربنا يعلم ان انا كنت بحب شمس دي قد ايه
الام
شمس هو انت شوفتي شمس فين اصلا انا مش فاهمه حاجه يا بنتي ما تقولي لي كده ايه اللي حصل
مني
انا هقول لك على كل حاجه يا ماما وبعدها قالت ليها
الام
اوعي تزعلي نفسك يا حبيبتي اختك بس خايفه لا هي تشيلني بس ما تخافيش ده انا لو هروح دار المسنين مش هخلي واحده زي دي تشيلني
مني
لا يمكن والله يا ماما اخليكي تعملي كده وانت عارفه ومتاكده كويس قوي ان جمال بيحبك ولا يمكن يسيبك لوحدك هو قالي انه هيجيبك تعيشي معانا ده انسان محترم وانا مش هلاقي زيه بصراحة
الام
انا عارفه والله يا حبيبتي ربنا يبارك فيه ويسعدكم على العموم شوفي هيجي امتى عشان خاطر يقرا الفاتحه وانا مش هتصل باللي اسمها شمس دي واخليها تيجي ابدا
مني
تصدقي يا ماما انها كانت عماله تعايرني بالموضوع القديم اللي انتي عارفاه ده انا مش فاهمه هي ازاي بتعمل معايا كده
الام
اخس عليها قليله الادب مش متربيه ما
والله انا لو اتكلمت معاها لابهدلها وبكره هتشوفي انا هعمل لك
