جوزي طلقني
المحتويات
فيها ايه
مني
ارجوك يا ماما انا مش عايزه اي مشاكل معاها خالص ابعدي عنهم بلاش تتكلمي معاها الفتره دي
وبعدها تاني يوم لقيت محمد بيلبس
شمس
ايه ده انت رايح فين كده ورشش برفان كمان ده انت بتخاف على ازازه البرفان لا تخلص ايه اللي حصل
محمد
انت زي ما تلبسيش لحد دلوقتي انت مش عارفه ان اختك العريس متقدم ليها النهارده واحنا رايحين اتفضلي البسي يلا
شمس
انت بتتكلم بجد بقولك ايه يا محمد انت تروح عشان شكلك قدام منها بس عايزاك تطلب منه طلبات كثيره جدا ما تخليهوش يوافق عليها
محمد
ايه اللي انتي بتقوليه ده هو انت بجد ازاي كده بجد انا كرهت اسلوبك ده يا شيخه المفروض انت اللي تعوضها وتفرحي لفرحتها علشان دي ولا ليها اخ ولا اي حد غيرك تعملي فيها كده
شمس
جرا ايه يا محمد انت بتكلمني كده ليه يا حبيبي وبعدين انا حره اتعامل زي ما انا عايزة اتعامل دي اختي وانت ملكش فيه
محمد
يعني ايه الكلام ده هو انتي لا بترحمي ولا بتسيبي رحمة ربنا تنزل يا شيخة افرحي لاختك وخليها تفرح بالعريس بلاش تكسري فرحتها كده حرام عليكي
شمس
حرمت عليها عشيتها يا حبيبي اقولك على حاجة روح انت لو حدك وانا هاروح لوحدي ماشي يلا ياخويا
ومشي محمد وراح عند ماما ومني قالت له
مني
اهلا يا محمد اتفضل
محمد
ازيك يا منى انا قولت اجي عشان أقف جنبك لما العريس يجي انتي اختي يا منى وانا لازم اكون جنبك
مني
شكرا ليك يا محمد بس مكنش ليه لزوم تيجي لحد هنا يعني وبعدين هي ازاى سابتك تيجي لحد هنا
محمد
هو انتي لسه واخده على خاطرك منها يا منى متزعليش هي شمس كده دبش في كلامها بس قلبها ابيض وبتحبك
الام
هي
محمد
متقوليش كده يا حماتي طب دي بتفضل تشكر فيكم وتتكلم عنكم كلام كويس خالص انتي بس اللي حساسه زيادة اللزوم انتي ومني
وبعد شوية وانا رحت وقولت لماما
شمس
الف مبروك يا ماما الف مبروك يا منى اديني جيت اهو لتقولو اني مش عايزة اجي ولا حاجة دي مني دي اختي الوحيدة ااه ولازم اجي لها
الام
لا والله كتر خيرك يا شمس وكتر خيرك على اللي عملتيه لما اختك راحت لك البيت وسمعتيها كلام زي السم هو انتي ايه يا بت انتي مش عايزة تلمي نفسك خالص
شمس
ااه هي الحلوه قالت لك واشتكت لك مني يا ماما معقوله جات تشتكي لك هي طول عمرها كده على فكرة كانت توقع بيني وبينك وبيني وبين بابا الله يرحمة
مني
انا يا شمس اللي بوقع بينك وبين ماما وبابا الله يرحمة وانا هعمل كده ليه يعني يا شيخة حرام عليكي
محمد
خلاص بقا يا شمس مفيش داعي لكلامك ده دلوقتي وبعدين ده في ناس جايه عشان خاطر تطلب اختك ياريت تمسكي لسانك قدام الناس
الام
لا وهي هتقدر تمسك لسانها برضو يا محمد دي لو متكلمتش يجرا لها حاجة
شمس
قولي بقا انك انتي مش عايزاني يا ماما مش كده برضو على العموم انا هعمل باصلي وأفضل جنب اختي
وبعدها بشوية جه العريس ومعاه امه وأخوه وماما قالت لهم
الام
اهلا وسهلا بيكم يا جماعه انتو نورتونا والله اهلا يا جمال يابني مني كلمتني عنك كتير وعن أخلاقك والله يابني وكان نفسي اشوفك من زمان
جمال
ربنا يخلي حضرتك مني كمان من الناس
الحما
واحنا بقا النهاردة جايين وعايزين نعرف طلباتكم ايه انا جمال ابني عنده شقه في البيت عندي يمرح فيها الخيل وان شاء الله يكملها من مجاميعة وكل العفش اللي مني تؤمر بيه احنا هنجيبه
شمس
ههههه بسم الله مشاء الله ده انت عريس لوقطة بقا ده انتي النحس اتفك عنك يا بت مني والله وهو حضرتك يا طنط تعرفي سن مني كام على كده ولا متعرفيش
جمال
احم هو حضرتك تبقى شمس اخت مني مش كده برضو على فكرة كلمتني عنك كتير وبتقول انها بتحبك اوي
شمس
والله امممم وانا كمان بحبها اوي بس اصل البت مني دي حظها وحش مع العرسان يلا بقا ربنا يكرمها معاك انت بقا وتكمل معاها
الحما
تقصدي ايه بالكلام ده يا شمس
محمد عشان يعدي الموقف قال
ههههه انتي مفيش فايدة في هزارك ده يا شمس أصلها بتحب تهزر جدا بنت نكتة اومال انا اتجوزنها من شوية مش وقت هزار يا شمس احنا بنتكلم في كلام جد دلوقتي
الام
احم هي فعلا شمس بتحب الهزار جدا ما تدخلي يا شمس تجيبي حاجة ساقعه للضيوف يابنتي يلا واستعجلي مني
شمس
هااا طيب اديني رايحة اهو بس مش لما نعرف الأول العريس هيقدر يجيب ايه لاختي
جمال
انا ان شاء الله هقدر اجيب لمنى كل اللي هي تطلبه دي لو طلبت حته من السما انا هجيبها لها علطول هي بس تؤمر
شمس
طب والله كويس مش بقولك يا ماما شكل نحسها هيتفك انا داخله اجيب الحاجة الساقعه
وجوه عند منى كانت معاها ريهام صاحبتها اللي قالت لها
ريهام
هي اختك دي بتعمل كده ليه الظاهر كده عايزة تقول لحماتك على حكايه العرسان اللي قبل كده شكلها عايزة
مني
انا مش فاهمة هي ليه بتعمل كده ليه بس انا مستغربة من البني ادمه دي
ريهام
سيبك منها يا منى ويلا يا حبيبتي عشان تدخلي تسلمي على ام العريس اصلها اكيد نفسها تشوفك
وبعدها دخلت مني عند الناس والحما قالت
الحما
بسم الله مشاء الله عروسة زي القمر يا جمال يابني شكلك كده محظوظ ربنا يسعدكم يارب
الام
إن شاء الله ربنا يصلح حالهم ويهدي سرهم
الحما
طيب ياعروسة قولي بقا طلباتك ايه واحنا هنجيبها
مني
انا مليش طلبات والله يا طنط ده كفايه بس رضاكي عليا حضرتك وجمال
الحما
مشاء الله على الادب والأخلاق
شمس
هو ايه ده اللي ملكيش طلبات لا طبعا انتي تطلبي وتتشرطي كمان اطمع يا عريس انت تجيب لاختي شبكة بميت الف جنية وكمان تجيب لها العفش من أحسن واغلى مكان في مصر غير كده مفيش جواز
محمد
هو انتي بتتكلمي ليه يا شمس وصاحبة الشأن قاعده ومامتك قاعده كمان
شمس
ازاى يعني بتكلم ليه هي مش اختي واخاف لحسن ينضحك عليها ولا ايه يا محمد
جمال
شوفي يا مدام انا عن نفسي عمري ما هضحك على مني لاني بحبها وشاريها كمان والشبكة اللي انتي طلبتيها انا هجيبها وأكتر من كده كمان والعفش كذلك انا زي ما قولت انا شاري
الام
ربنا يبارك فيك يا بني ويسعدك يارب ان شاء الله وانتي يا شمس اسكتي ومتتكلميش تاني ابدا انتي سامعه ولا لا
محمد.
خلاص يا حماتي شمس متقصدش حا طيب ياجماعة يلا نقرا الفاتحة
وفعلا قراو فاتحة مني على جمال وبعد شوية الناس مشيت وماما قالت
الام.
هو انتي ايه يا شيخة ايييه انتي معندكيش قلب كده خالص الراجل جاي وشاري اختك وعايز يجيب لها حتة من السما وانتي
شمس
يعني
متابعة القراءة
