جوزي طلقني
هو الحق عليا اني عايزة اعرف العريس من دلوقتي بدال ما يتجوزها وبعد كده يكتشف انها سنها عدي الأربعين
مني
ريحي نفسك انا معرفه جمال وحكيت له على حاجة عن حياتي زمان خلاص يا ريت بقا تخليكي في حالك ماشي
وسبتنا ودخلت اوضتها
محمد
يلا بينا بقا نمشي عشان انا معتقدش ان وجودك دلوقتي ليه لازمة يلا
الام
ااه يا ريت تروحي مع جوزك يلا عشان احنا هنام دلوقتي اصل احنا بنام بدري
ودخلت هي كمان اوضتها وانا قولت بغيظ
شمس
يلا بينا يا محمد ماهو كده خيرا تعمل شرا تلقى الواحد ميعملش خير ابدا مع الناس دي
ومشيت رجعت شقتي وعند جمال امه قالت له
الام
هي اختها دي كانت عماله تلمح لايه يا جمال انا كنت حاسة كده انها كلامها مش مظبوط وعايزة تقول حاجة هي متى دي كان ايه ماضيها
جمال
ماما ارجوكي متاخديش على كلام اللي اسمها شمس دي لان مني قايله لي عنها أنها بغل شوية وواحده زي دي اكيد هتعمل اي حاجة عشان تبوظ الجوازه
الام
ربنا يسترها يابني على العموم البنت باين عليها مؤدبه جدا وامها ست محترمة
جمال
باااااااس هو ده اللي احنا عايزينو صح ولا ايه يلا انا هدخل انام عشان لاني عدي شغل الصبح
وفي شقتي محمد قال
محمد
انا مش فاهم انتي بتعملي كده ليه يا شيخة انا كنت قاعد في وسط هدومي قدام الناس
شمس
هو انت كمان هتسمعني كلمتين ولا ايه بقولك ايه يامحمد فكك مني بدال اخليها ليله مش معديه انا طايقة نفسي
محمد
ومش طايقة نفسك ليه ياحبيبتي
شمس
شوفت العريس اللقطة اللي كل لما اقوله على حاجة يقول هجيبها ادي العرسان ولا بلاش ياخويا بلا هم بس ماشي
محمد
ناوية على ايه يا شمس انا بقول تسيبي اختك في حالها ماشي وبلاش تعملي حاجة تبوظي لها الجوازة انا بقولك اهو
عملتي نفسي مش سامعه
وبعدها بكام يوم قررت اعرف عنوان حمات مني فين واروح لها وفعلا وصلت لها وقولت لها
شمس
الصراحة يا طنط انا قولت اجي لك عشان اقولك على موضوع مهم اوي بخصوص اختي عشان متبقيش على عماكي لامؤخذه في الكلمة يعني
الحما
خير يا بنتي هو ايه الموضوع
شمس
انا مش عارفه اقولك ايه بس اصل مني اختي دي كانت مخطوبة مرتين والاتنين استغفر الله العظيم يارب مش عارفه اقولك ايه
الحما
ماتتكلمي يابنتي قلقتيني في ايه
شمس
انا هحكي لك كل حاجة من حوالي سبع سنين كده
فلاش باك
مني داخله من بره فرحانة وقالت
مني
ياماما ياماما تعالي بسرعه في خبر حلو عايزة اقولك عليه تعالي
الام
في ايه يا منى يا حبيبتي خير ما تتكلمي
مني
احمد ياماما لاقي الشقة وجهزها وخلاص هيجي بكرة عشان يقولك ندخل بقا انا فرحانة اوي انتي متعرفيش انا كنت مستنية اليوم ده ازاى
الام
الف مبروك يا حبيبتي انت تستاهلي كل خير يامنى ربنا يسعدك يارب يابنتي
شمس
الله وهو لحق بقا يلاقي الشقه ويخلصها طيب كويس ان شاء الله تتجوزي بقا وتمشي من هنا خليني انا كمان اتجوز
الام
. عيب يا شمس الكلام ده وبعدين ما انتي كمان مخطوبة لمحمد وخطيبك مستني يجهز هو كمان ولا ايه
شمس
ااه عارفة بس نفسي بقا يبقا زي أحمد افلندي ده اللي جنز كل حاجة وخلص نفسه وخلاص وان شاء الله بقا هيجي عشان يكتب كتابك امتى ياست مني
مني
يوم الجمعة الجايه ان شاء الله يا شمس عقبالك
وبعدها جه يوم كتب الكتاب وكنا مستنين العريس يجي وفجأه لقينا امه بتتصل وقالت انه في المستشفى ورحنا والدكتور
الدكتور
البقاء لله يا جماعة العريس اتوفي نتيجة لهبوط في الدورة الدموية وتوقف عضله القلب شدوا حيلكم
ساعتها امه فضلت تسرخ وتصوت وتقول لمنى
الحما
منك لله يا نحس انتي اللي وشك نحس انا ابني كان زي الفل انتي السبب في اللي حصله منك لله الهي كان ربنا خدك انتي
الام
عيب كده يا ست عواطف ابنك ده قدرة ومكتوب له كده
الحما
دي بنتك هي اللي وشها فقر عليه ونحس ومالهاش في الجواز ربنا ينتقم منكم الله يخربيت اليوم اللي شفناكم فيه روحي يا شيخة منك لله امشي من هنا امشي
وبعدها طبعا العريس راح من غير مني اختي ما تكتب كتابها عليه وعدت الايام وانا اتجوزت محمد وقالي
محمد
بقولك ايه يا شمس انا في واحد صاحبي شاف اختك مني
شمس
يلهوي يا محمد لا لا ابعد انت نفسك عن الحوار ده يا حبيبي انت عايز صاحبك يحصله زي ما حصل لخطيبها الاولاني لا اوعي خليك بعيد
محمد
ايه الكلام اللي انتي بتقوليه ده بس اللي حصل لعريس اختك ده كان قدره ونصيبة انتي ازاى تقولي الكلام ده
شمس
اسمع كلامي يا محمد يا حبيبي وخليك بعيد دحين اهل العريس ده يدعوا عليك انت احنا مش ناقصين خلينا بعيد الله يهديك
وبعدها انا رحت عند ماما وقالت لي
الام.
اختك صعبانة عليا اوي قعدتها كده وبعدين دي لسه مخرجتش من صدمتها على أحمد اللي كانت بتحبه
شمس
والله انا بقول انها تفضل كده من غير جواز احسن اصل انا خايفه لتيجي تتجوز تاني ويحصل حاجة ساعتها بنتك هتبقا نحس نحس يعني بجد
الام
استغفر الله العظيم ايه الكلام ده هو انتي دايما لسانك متبري منك كده يا شيخة حرام عليكي ده بدال ما تقولي كلمة كويسه في حق اختك انتي ايه
شمس
انا كل لما اتكلم كلمة في البيت ده تعملوا كده خلاص انتو احرار بقا
وبعدها بكام يوم مني جالها عريس تاني وقابل ماما وقالت له
الام
إن شاء الله يابني ربنا يسعدكم وتبقوا من السعداء وبعدها مني كانت فرحانة بيه جدا لحد ما في يوم كان راكب مكروباص واتقلب بيه وعمل حادثة وكان في المستشفى وانا قولت
شمس
الف سلامة عليك يا مصطفى الحمد لله انك كويس وطلعت من الحادثة دي على خير ومجراش ليك اللي جرا لعريس أمني الاولاني
ردت امه وقالت
ليه هو ايه اللي حصل لعريسها الاولاني يابنتي ايه اللي جرا له
شمس
ده راح يوم كتب الكتاب يا طنط كان لسه جاي يكتب عليها وقع وهو واقف وطب ساكت ومن يومها واختي دي نحس الصراحة بقينا نخاف منها
الحما
ياساتر يارب لا لا انت لازم تبعد عنها يا مصطفى اوعي تكمل معاها
وبعد عنها وسابها
باااااااااك
شمس
ومن ساعتها يا طنط بقيت بخاف لحسن اي حد يجي يتقدم لها يحصله زي اللي حصل للي قبلة
الحما
يانهار اسود لا لا ابني لا انا هتكلم معاه ده الفرح خلاص بعد بكرة وانا لازم امنعه يكمل
وبعدها قالت لجمال
الحما
انا قولت مش هتكمل معاها يعني مش هتمل انت سامع ولا لا انا مش مستغنية عنك يا حبيبي
جمال
ياماما ايه التخاريف دي بس ارجوكي يا ماما خليني اروح لعروستي الفرح النهاردة انا مش هينفع اطلع عيل معاها
الام.
انا قولت لا يعني لا يا جمال انت مش خارج
وفي البيت عند منى كانت لابسه هدوم الفرح ومستنية جمال اللي مش عايز يجي وقالت
مني
وبعدين يا ماما هنعمل ايه انا لتصل بيه وتليفونة مقفول
ولقت امه بتتصل بيها وقالت لها
الحما
اسمعي يا حبيبتي انا ابني خلاص مش هيتجوز وروحي شوفي لك واحد تاني اتجوزية
بس يارب مايجراش ليه حاجة
وقفلت السكة ومني اتصدمت وقالت
مني
ماما جمال مش جاي الفرح امه قالت لي اروح اشوف لي واحد غيرة انا انا انا مش قادرة اخد نفسي اااه
وبعدها وقعت في الأرض وماما قالت
الام
مني يا منى فوقي يا بنتي اصحى
ريهام
دي اكيد اغمى عليها يا طنط احنا لازم نطلب الإسعاف بسرعة يلا بينا على المستشفى بسرعة
ورحنا المستشفى والدكتور قال
الدكتور
البقاء لله يا جماعة العروسة اتوفت نتيجة لصدمة والقلب اتوقف انا اسف عن اذنكم
الام
بنتييي انت بتقول ايه لاااا دي اكيد بنتي كويسة ايوه اكيد كويسة قولي انها مفيهاش حاجة ااه ياقلبي يابنتي وراحت واقعه وجات لها جلطة وبعد العزا بتاع مني محمد قالي
محمد.
منك لله يا شمس انتي السبب في اللي حصل لاختك الله يرحمها وكمان اللي امك فيه دلوقتي ده انتي ايه مش بني آدمة انتي شيطان انا مش هكمل معاكي انتي طالق يا شمس
شمس
لا يامحمد لا متقولهاش الله يخليك بلاش تطلقني هو انا عملت ايه يعني
محمد
وانا خلاص طلقت ومش عايز اشوفك تاني ويلا امشي اطلعي بره وإياكي تيجي هنا تاني واذا كان على مامتك انا هفضل جنبها وارعاها الست اللي خسارة تبقا انتي بنتها اطلعي بره يلا اطلعي بره
وطردني محمد من البيت بعد لما طلقني وبقيت مشردة في الشارع ومش لاقيه مكان اروحة وندمت على كل اللي عملته في اختي وامي وبتمني
وبكده تكون خلصت حكايتي
